అందాల భామ పాయల్ రాజ్ పుత్ ‘పుష్ప’, ‘ఇండియన్-2’ చిత్రాలలో ఐటెమ్ సాంగ్స్ చేయబోతుందనే ప్రచారం జోరుగా సాగుతుంది. రెండు క్రేజ్ ఉన్న సినిమాలే కావడంతో ఆమె వెంటనే ఒప్పెసుకుందనేది ఆ ప్రచారం సారాంశం. అయితే ఈ విషయం మీద గతంలో ఒక సారి క్లారిటీ ఇచ్చినా ప్రచారం మాత్రం ఆగలేదు. ఇక తాజాగా మరోసారి ఈ వార్తలపై పాయల్ రాజ్ పుత్ స్పందించింది. ‘పుష్ప’ చిత్రంలో తాను ఎలాంటి పాటలో నటించడం లేదని స్పష్టం చేసింది.
‘పుష్ప’ చిత్రంతో పాటు ‘ఇండియన్-2’ చిత్రంలో మీరు ఐటెమ్ సాంగులు చేస్తున్నారట కదా అంటూ గత కొన్నిరోజులుగా తనకు ఒకటే మెసేజ్‌లు వస్తున్నాయంది. ఇవన్నీ రూమర్లేనని, ప్రస్తుతం తాను ఏ సినిమా చేయడం లేదని పాయల్ తెలిపింది. అయితే తనకు కెరీర్ విషయంలో ఎలాంటి కంగారు లేదని, తనకోసం మంచి సినిమాలు వస్తాయని, ప్రస్తుతం లాక్ డౌన్ లో స్క్రిప్ట్స్ వింటున్నానని, అన్ని విషయాలకు త్వరలోనే క్లారిటీ వస్తుందని తెలిపింది పాయల్.
