తెలంగాణ మంత్రి కేటీఆర్ గిఫ్ట్ స్మైల్ అనే పేరుతో సేవా కార్యక్రమాలు చేస్తూ వస్తున్నారు. తాజాగా యాంకర్ ప్రదీప్ మరియు ఆయన స్నేహితులు కలిసి గిఫ్ట్ ఎ స్మైల్ కు ఆర్థిక సహాయం చేశారు. ప్రదీప్ స్నేహితులు ఎస్వి. వెంకట బాబు ఎస్వీ క్రియేష‌న్స్ అధినేత రూ.15 లక్షలు, మురళీకృష్ణ మరియు శ్రీనివాస్ త్రివేణి పైప్స్ అధినేత నాలుగు లక్షలు అందజేశారు. ఈ సందర్భంగా యాంకర్ ప్రదీప్ కు మరియు అతని స్నేహితులకు కేటీఆర్ కృతజ్ఞతలు తెలిపారు. వారితో కలిసి దిగిన ఫోటోను కేటీఆర్ సోష‌ల్ మీడియాలో షేర్ చేసి కృత‌గ్జ‌త‌లు చెప్పారు.
ఇదిలా ఉంటే గిఫ్ట్ ఎ స్మైల్ పేరుతో కేటీఆర్ రెండేళ్లుగా సహాయ కార్యక్రమాలు నిర్వహిస్తూ వస్తున్నారు. మొదట ఆయన పుట్టిన రోజు సందర్భంగా కేటీఆర్ గిఫ్ట్ ఎ స్మైల్ ను ప్రారంభించారు. ఆ సమయంలో కొన్ని అంబులెన్స్ ను ప్రభుత్వాసుపత్రుల‌కు గిఫ్ట్ గా ఇచ్చారు. రీసెంట్ గా ఆయన పుట్టిన రోజు సంధ‌ర్బంగా కేటీఆర్ మరియు అభిమానులు టిఆర్ఎస్ నేతలు కొన్ని స్కూటీల‌ను వికలాంగులకు గిఫ్ట్ గా అందజేశారు.
