ప్రపంచంలోనే అతిపెద్ద కోవిడ్ -19 టీకా డ్రైవ్‌ను అమలు చేయడానికి భారత్ సిద్ధమవుతోందని ప్రధాని నరేంద్ర మోడీ గురువారం అన్నారు. గుజరాత్ రాజ్‌కోట్‌లో ఎయిమ్స్‌కు పునాదిరాయి వేసిన తర్వాత ఆయన మీడియాతో మాట్లాడుతూ… “దేశంలో కోవిడ్ -19 కేసుల సంఖ్య ఇప్పుడు తగ్గుతోంది. వచ్చే ఏడాదిలో ప్రపంచంలోనే అతిపెద్ద టీకా కార్యక్రమాన్ని అమలు చేయడానికి మేము సన్నాహాలు చేస్తున్నాం” అని ఆయన అన్నారు.
“స్వస్తి హై సంపాద్ హై అనేది 2020 సంవత్సరం మనకు బాగా నేర్పింది. ఇది సవాళ్లతో నిండిన సంవత్సరం” అని ప్రధాని అన్నారు. భారతదేశం ప్రపంచ ఆరోగ్యానికి నాడీ కేంద్రంగా అవతరించిందని మోడీ పేర్కొన్నారు. 2021 సంవత్సరంలో ఆరోగ్య సంరక్షణలో భారతదేశం యొక్క పాత్రను మనం బలోపేతం చేయాలి” అని ప్రధాని మోడీ వ్యాఖ్యానించారు. టీకా డ్రైవ్ సమయంలో తలెత్తే పుకార్లకు శ్రద్ధ చూపవద్దని ప్రధాని ప్రజలను విజ్ఞప్తి చేశారు.
“మన దేశంలో, పుకార్లు త్వరగా వ్యాప్తి చెందుతాయి. వేర్వేరు వ్యక్తులు వారి వ్యక్తిగత లాభాల కోసం లేదా బాధ్యతా రహితమైన ప్రవర్తన కారణంగా వివిధ పుకార్లను వ్యాప్తి చేస్తారు. టీకా ప్రారంభించినప్పుడు పుకార్లు వ్యాప్తి చెందుతాయి, కొందరు ఇప్పటికే ప్రారంభించారు అని మోడీ అన్నారు. కరోనా పై పోరాటం అనేది తెలియని శత్రువు మీద పోరాటం చేయడం అని ఆయన అన్నారు. 1,195 కోట్ల రూపాయల వ్యయంతో నిర్మించనున్న రాజ్‌కోట్‌లోని ఎయిమ్స్ కి ఆయన శంకుస్థాపన చేసారు.
