రాహుల్ గాంధీ చేపట్టిన భారత్ జోడో యాత్ర దేశ ప్రజల సమస్యలపై పరిష్కార మార్గాల వైపు తొలి అడుగులేనని టీపీసీసీ వర్కింగ్ ప్రెసిడెంట్ జగ్గారెడ్డి వ్యాఖ్యానించారు. ఈ యాత్రలో కీలక అంశంగా నిలిచిన కుల గణన విషయంపై రాహుల్ ఎన్నోసార్లు స్పష్టమైన విజ్ఞప్తి చేశారని గుర్తు చేశారు. ఇప్పుడు కేంద్ర ప్రభుత్వం కుల గణన చేపడతామని ప్రకటించడాన్ని స్వాగతిస్తున్నానని చెప్పారు. ‘‘ఇది రాహుల్ గాంధీకి ఉన్న దూరదృష్టికి నిదర్శనం. ఆయన నిజంగా దేశ రాజకీయాల్లో హీరో’’ అని జగ్గారెడ్డి కొనియాడారు. తెలంగాణలో కుల గణనను నిర్వహించిన రేవంత్ రెడ్డి నిజమైన నాయకుడు. ఆయన రాహుల్ గాంధీ లైన్ లో నడవడం వలన అదృష్టాన్ని చేజిక్కించుకున్నాడు. ఇప్పుడు బీజేపీ నాయకులు ఎంత గొంతెత్తినా ఉపయోగం లేదు. రాహుల్ ముందు చూపు వారికి జీర్ణించట్లేదు అంటూ సెటైర్లు వేశారు.
‘‘రెండేళ్ల క్రితమే మోడీ కుల గణనకు ముందుకొస్తే బాగుండేది. ఇప్పుడు రాహుల్‌కి క్రెడిట్ వెళ్లడాన్ని బీజేపీ తట్టుకోలేకపోతుంది. మోడీకి రాహుల్ లాంటి ఆలోచన ఎందుకు రాలేదు?‘‘ అని జగ్గారెడ్డి ప్రశ్నించారు. కేవలం పదవుల కోసం ఎదురు చూసే కుటుంబం రాహుల్ theirs కాదు, వాళ్లు ప్రధానులను తయారు చేసే కుటుంబమని విమర్శించారు. కేంద్ర కుల గణనలో రాష్ట్రంలో లెక్కలకెక్కని వర్గాలు కూడా చేరతాయని తెలిపారు. ‘‘ఇప్పుడు కిషన్ రెడ్డి మాట్లాడినా ప్రయోజనం లేదు. 2010లో సుష్మా స్వరాజ్ అన్న మాటలు ఎప్పుడు అమలు చేశారు? మతపరంగా ముస్లింలు దేశ పౌరులు కాదా? కుల గణనలో వారిని ఎందుకు మినహాయించాలి?’’ అని నిలదీశారు. ఈ దేశంలో పుట్టిన హిందూ, ముస్లిం, క్రిస్టియన్ – అందరూ భారత బిడ్డలే. వారికి లెక్కల నుంచి తప్పిదం చేయటం సరికాదు అని జగ్గారెడ్డి స్పష్టం చేశారు.
