రామ్ గోపాల్ వర్మ అంటే ఓ సంచలనం. ప్ర‌భంజ‌నం. ఆయ‌న్ని, ఆయన తీసిన సినిమాల్నీ చూసి ద‌ర్శ‌కులు కావాలన్న ఆశ‌లు గుండెల నిండా నింపుకుని ఫిల్మ్‌న‌గ‌ర్‌లో దిగిపోయిన వాళ్లెంతో మంది. ఈ యేడాది ‘లక్ష్మీస్ ఎన్టీఆర్’, ‘అమ్మ రాజ్యంలో కడప బిడ్డలు’ సినిమాలతో వర్మ క్రియేట్ చేసిన సంచలనం అంతా ఇంతా కాదు. అయితే తాజాగా వర్మ .. హీరోయిన్ నైనా గంగూలీ కాళ్లను మొక్కారు. వర్మ సమకూర్చిన కథతో ‘బ్యూటిఫుల్’ సినిమా రూపుదిద్దుకుంది. ఈ సినిమాకు అగస్త్య మంజు దర్శకత్వం వహించారు.
ఈ సినిమా జనవరి 1న విడుదల కానున్న నేపథ్యంలో ఆ సినిమా బృందం నిన్న సాయంత్రం ప్రీ న్యూ ఇయర్‌ ప్రైవేటు పార్టీ చేసుకుంది. సినీ బృందంలో కలిసి ఆర్జీవీ డ్యాన్సులు వేసి ఉత్సాహంగా గడిపారు. ఈ సినిమాలోని రా కసితీరా అనే పాటకు హీరోయిన్ నైనాతో కలిసి ఆయన డ్యాన్స్‌ చేశారు. ఇందులో భాగంగా ఆయన హీరోయిన్ నైనా కాళ్లపై ప‌డ్డారు. దీంతో అక్క‌డ ఉన్న‌వాళ్లంతా షాక్‌కు గుర‌య్యారు. ప్ర‌స్తుతం ఇందుకు సంబంధించిన ఫొటోలు బయటకు వచ్చాయి.
