హీరో రామ్ మొన్న సంక్రాంతికి రెడ్ అనే సినిమాతో ప్రేక్షకుల ముందుకు వచ్చిన సంగతి తెలిసిందే. ఈ సినిమా అంతగా జనాన్ని ఆకట్టుకోలేక పోయింది. దీంతో ఈ సారి ఎలా అయినా హిట్ కొట్టాలనే భావనతో ఉన్నాడు ఆయన. గత కొద్దిరోజులుగా తమిళ దర్శకులతో చర్చలు జరపడంతో ఆయన వారితోనే సినిమా చేస్తాడని ప్రచారం జరిగింది. అందుకు తగ్గట్టుగానే రామ్ ఇప్పుడు లింగుస్వామితో సినిమా అనౌన్స్ చేశాడు.
ఈ మేరకు కొద్ది సేపటి క్రితమే అధికారిక ప్రకటన వెలువడింది. రామ్ హీరోగా నటిస్తున్న ఈ సినిమాని ఒకే కాలంలో తెలుగు, తమిళ బాషలలో తెరకెక్కించనున్నారు. ఇక ఈ సినిమాని శ్రీనివాస చిట్టూరి నిర్మిస్తున్నారు. తెలుగులో యూ టర్న్, ఇప్పుడు గోపీచంద్ సీటీమార్ సినిమాని తెరకెక్కిస్తున్న ఆయన ఈ సినిమాని కూడా నిర్మిస్తున్నారు. ఇక ఈ సినిమా కంటే ముందు లింగుస్వామి హవీష్ తో కూడా సినిమా చేస్తున్నట్టు ప్రకటన వచ్చింది. మరి అది ఏమయిందో క్లారిటీ లేదు.
