మన దేశంలో రాను రాను ఆడవాళ్ళకు రక్షణ లేకుండా పోతోంది. మూడేళ్ళ పాప నుండి ముదుసలి దాకా ఈ లైంగిక దాడులకు గురవుతున్నారు అంటే పరిస్థితి అర్ధం చేసుకోవచ్చు. తాజాగా నిజామాబాద్ జిల్లా జిల్లాలో దారుణం జరిగింది. నాలుగేళ్ళ చిన్నారి పై 15 ఏళ్ల మైనర్ బాలుడు అత్యాచారానికి పాల్పడ్డ ఘటన ఆలస్యంగా వెలుగులోకి వచ్చింది.
ఏరుగట్ల మండలంలోని ఓ తండాలో ఈ ఘటన జరిగినట్టు సమాచారం. తల్లిదండ్రులు వ్యవసాయ పనులకు వెళ్లిన సమయం చూసి చిన్నారి పై బాలుడు అత్యాచారానికి పాల్పడినట్టు చెబుతున్నారు. చిన్నారి తల్లిదండ్రులకు విషయం చెప్పడంతో ఈ ఘటన వెలుగులోకి వచ్చింది. ఇక బాలుడిని పట్టుకొని దేహశుద్ధి చేసిన తండా వాసులు అతనిని పోలీసులకు అప్పగించారు.
