రెండు తెలుగు రాష్ట్రాల ఎమ్మెల్సీ ఎన్నికల షెడ్యూలు విడుదల విడుదల అయింది. తెలంగాణ రాష్ట్రంలో 12 స్థానిక సంస్థల కోటా ఎమ్మెల్సీ స్థానాలకు షెడ్యూలు విడుదల చేసింది ఎన్నికల సంఘం. ఆదిలాబాద్, వరంగల్, నల్లగొండ, మెదక్ , నిజామాబాద్, ఖమ్మం నుంచి ఒక స్థానం ఖాళీ ఉండగా… కరీంనగర్ , మహబూబ్నగర్, రంగారెడ్డి నుంచి రెండు ఎమ్మెల్సీ స్థానాలు ఖాళీ ఉన్నాయి.
వీటన్నిటికీ తాజాగా ఎన్నికల షెడ్యూల్ ను విడుదల చేసింది ఎన్నికల సంఘం. ఈ ఎన్నికలకు నవంబర్ 16న నోటిఫికేషన్ విడుదల కానుండగా… నవంబర్ 23 నామినేషన్ల స్వీకరణ కు చివరి తేదీ అని పేర్కొంది. అలాగే.. నవంబర్ 24 వ తేదీన నామినేషన్ల పరిశీలన ఉండగా… నవంబర్ 26 ఉపసంహరణకు చివరి తేదీ కానుంది. అలాగే…ఈ ఎన్నికల పోలింగ్ డిసెంబర్ 10 ఉండనుండగా… డిసెంబర్ 14 వ తేదీన కౌంటింగ్ జరుగనుంది. అటు ఏపీలో ఖాళీగా ఉన్న స్థానిక సంస్థల ఎమ్మెల్సీ ఎన్నికల షెడ్యూల్ విడుదల చేసింది కేంద్ర ఎన్నికల సంఘం. ఏకంగా 11 స్థానాల ఎమ్మెల్సీ ఎన్నికల షెడ్యూల్ విడుదల చేసింది.