ఎంఎస్ ధోనీ వారసుడిగా భారత జట్టులోకి వచ్చిన రిషబ్ పంత్ అనతి కాలంలోనే స్టార్ అయ్యాడు. ఉత్తరాఖండ్ లోని రూర్కి లో 1997 అక్టోబర్ 4న జన్మించిన రిషబ్ పంత్ ఎన్నో ఆటుపోట్లను దాటుకొని ఈరోజు భారత క్రికెట్ జట్టులో స్థానం సుస్థిరం చేసుకున్నాడు. తాజాగా రిషబ్ పంత్ కు ఓ అరుదైన గౌరవం దక్కింది. ఉత్తరాఖండ్ బ్రాండ్ అంబాసిడర్ గా పంత్ నియమితుడయ్యాడు. ఈ విషయాన్ని ఆ రాష్ట్ర ముఖ్యమంత్రి పుష్కర్ సింగ్ దామి ట్విటర్ వేదికగా వెల్లడించారు.
” దేవభూమి సుపుత్రుడు, ప్రతిభావంతుడైన రిషబ్ అనతి ను ఉత్తరాఖండ్ బ్రాండ్ అంబాసిడర్ గా నియమించేందుకు రాష్ట్ర ప్రభుత్వం నిర్ణయించింది. యువతను క్రీడలు, ప్రజారోగ్యం విషయంలో ప్రోత్సహించే దిశగా ఈ నిర్ణయం తీసుకున్నాం”. అని ఆయన ట్వీట్ చేశారు. ఈ నేపథ్యంలో ముఖ్యమంత్రితో దిగిన ఫోటోలను పంత్ ఇంస్టాగ్రామ్ వేదికగా షేర్ చేశాడు. తనకి ఈ గొప్ప అవకాశం ఇచ్చినందుకు సీఎం పుష్కర్ సింగ్ ధామికి రిషబ్ పంత్ ధన్యవాదాలు తెలిపారు.
प्रदेश सरकार ने देवभूमि के सपूत एवं भारतीय क्रिकेट टीम के प्रतिभावान खिलाड़ी @RishabhPant17 जी को उत्तराखण्ड के युवाओं को खेलकूद एवं जन स्वास्थ्य के प्रति प्रोत्साहित किए जाने के उद्देश्य से "राज्य ब्रांड एम्बेसडर" नियुक्त करने का निर्णय लिया है।
आपको हार्दिक शुभकामनाएं ! pic.twitter.com/2NP1lZ5pga
— Pushkar Singh Dhami (@pushkardhami) August 10, 2022
