తెలుగు చిత్ర పరిశ్రమలో తనకంటూ ప్రత్యేక గుర్తింపు తెచ్చకున్న హీరో సత్యదేవ్. బ్లఫ్‌మాస్టర్‌ సినిమాతో హిట్ అందుకున్న సత్యదేవ్ ప్రస్తుం గాడ్సేగా ప్రేక్షకుల ముందుకు వస్తున్నారు. అయితే.. సత్యదేవ్ హీరోగా సి.కల్యాణ్ నిర్మించిన ‘గాడ్సే’ సినిమాకి గోపీగణేశ్ దర్శకత్వం వహించాడు. ఈ నెల 17వ తేదీన ఈ సినిమాను రిలీజ్ చేయనున్నారు. ఈ నేపథ్యంలో ఈ సినిమా ట్రైలర్ లాంచ్ ఈవెంట్ ను నిర్వహించారు. ఈ వేదికపై సత్యదేవ్ మాట్లాడుతూ .. “ఈ సినిమా ఈ రోజున ఇంతవరకూ రావడానికి కారకులు కేఎస్ రామారావుగారు .. సి.కల్యాణ్ గారు. అందుకు వాళ్లకి కృతజ్ఞతలు తెలియజేస్తున్నాను. దర్శకుడు గోపీగణేశ్ కి చాలా నిబ్బరం .. నిలకడ ఎక్కువ. ఆయన ఈ కథను నాకు వినిపించినప్పుడు, ఇది పెద్ద హీరోలు చేయవలసిన సినిమా అనిపించింది.
కానీ ఆయన నన్ను నాకంటే ఎక్కువగా నమ్మాడు. ‘ఇది మీరు చేయగలరు .. మీరే చేయాలి’ అని అన్నాడు. సమాజంలోని చిన్న చిన్న విషయాల పట్ల కూడా ఆయనకి గల అవగాహన నాకు ఆశ్చర్యాన్ని కలిగించింది. ఇది యూత్ కోసం చేసిన సినిమా. ఈ సినిమా చూసిన ప్రతి ఒక్కరూ కూడా ‘అవును కదా ఎందుకు ఇలా జరుగుతుంది? అనుకుంటూ చర్చించుకుంటారు. రెండోసారి నాకు ఈ అవకాశం ఇచ్చిన నిర్మాత కల్యాణ్ గారికి ధన్యవాదాలు తెలియజేస్తున్నాను. ఈ సినిమాకి ఫ్లాష్ బ్యాక్ ఎపిసోడ్ హైలైట్ గా నిలుస్తుంది. కచ్చితంగా ఆ ఎపిసోడ్ గురించి అందరూ మాట్లాడుకుంటారు. ఈ సినిమా తప్పకుండా సక్సెస్ అవుతుందనే నమ్మకం నాకు ఉంది” అంటూ ముగించాడు.
