పెళ్లి వేడుకలో తీవ్ర విషాదం నెలకొంది. ప్రమాదవశాత్తు నూతన వధూవరులు ప్రయాణించే కారును డీజే వాహనం ఢీకొట్టింది. ఈ ప్రమాదంలో ఏడేళ్ల బాలుడు మనోజ్ అక్కడికక్కడే మృతి చెందాడు. ఈ ఘటన కర్నూల్ జిల్లాలో కోసిగి మండలం సజ్జలగూడెంలో గురువారం ఉదయం వెలుగుచూసింది.
ప్రమాదం జరిగాక పెళ్లి వేడుకకు హాజరైన బంధవులు ఒక్కసారిగా డీజే వాహన డ్రైవర్‌పై ఆగ్రహం వ్యక్తం చేశారు. వెహికల్ అద్దాలను పగులగొట్టారు.డ్రైవర్ పై దాడికి పాల్పడ్డారు. విషయం తెలుసుకున్న పోలీసులు అక్కడికి చేరుకుని డ్రైవర్‌ను వెంటనే అదుపులోకి తీసుకున్నారు.కేసు నమోదు చేసి దర్యాప్తు చేస్తున్నట్లు తెలిపారు. మరోవైపు బాలుడు మృతి చెందడంతో తల్లిదండ్రులు కన్నీరు మున్నీరుగా విలపించారు.
