అందరి ఆలోచన విధానం ఒకలాగ వుండదు. ఒక్కొక్కరి ఆలోచనలు ఒక్కోలా ఉంటాయి. కొందరు ఉద్యోగం చేయాలనుకుంటే కొందరు బిజినెస్ Business చేయాలని అనుకుంటూ ఉంటారు. అయితే మీరు కూడా వ్యాపారం చేయాలని అనుకుంటున్నారా…? అయితే తప్పకుండా ఈ బిజినెస్ ఐడియాస్ గురించి చూడండి.
మహిళల దుస్తులు:
ఎక్కువగా మహిళలు బట్టల్ని కొనుగోలు చేస్తూ వుంటారు. సాధారణంగా పురుషులు అవసరానికి కొనుక్కుంటే మహిళలు తమకు నచ్చినప్పుడు కొనుగోలు చేస్తూ ఉంటారు. చీరలు డ్రెస్సులు వంటి వాటిని సేల్ చేసి అదిరే లాభం మీరు పొందొచ్చు. దీని కోసం మీరు కాస్త ఎక్కువ పెట్టుబడి పెట్టాల్సి వచ్చినా మంచిగా ప్రాఫిట్ వస్తుంది.
ట్రావెల్ ఏజెన్సీ:
ట్రావెల్ ఏజెన్సీ వల్ల కూడా మంచి లాభాలు మీరు పొందవచ్చు. దీని కోసం మీరు కొంచెం స్టాఫ్ ని పెట్టుకోవాల్సి ఉంటుంది. అదే విధంగా చిన్న ఆఫీస్ ని సెట్ అప్ చేసుకోవాల్సి ఉంటుంది. ప్రతీ నెలా యాభై వేల రూపాయిలు కంటే ఎక్కువ సంపాదించచ్చు.
పుట్టగొడుగుల పెంపకం:
పుట్టగొడుగులుని పెంచి మీరు కూడా బాగా సంపాదించవచ్చు. చాలా మంది ఈ వ్యాపారం చేస్తున్నారు. దీని మీద ఆసక్తి ఉంటే ఈ బిజినెస్ కూడా మీరు చేసుకోవచ్చు. ఐదు వేల రూపాయలతో కూడా ఈ బిజినెస్ ని స్టార్ట్ చెయ్యచ్చు. డిమాండ్ మాత్రం బాగా ఎక్కువగా వుంది. నెల రోజుల్లో ఇవి పెరిగిపోతాయి.ఒక చదరపు మీటరు విస్తీర్ణంలో పది కేజీలు పెంచచ్చు. ఇలా లక్షల్లో రాబడి పొందొచ్చు.
బెలూన్ డెలివరీ:
వేడుకలలో హీలియం బెలూన్స్ ని ఎక్కువగా వాడుతూ ఉంటారు. పుట్టినరోజు వేడుకలు, పెళ్లిరోజు వేడుకలు వంటివాటి కోసం బెలూన్స్ డెలివరీ చేస్తారు కాబట్టి దీనివల్ల కూడా చక్కటి రాబడి పొందొచ్చు. దీని కోసం మీరు బెలూన్స్, తాడులు, కంప్రెసర్ వంటి వాటిని కొనుగోలు చేయాల్సి ఉంటుంది ఏది ఏమైనా ఈ వ్యాపారం కూడా అద్భుతమైన రాబడిని తీసుకువస్తుంది. ఇలా ప్రతీ నెలా యాభై వేలు నుండి లక్ష వరకు పొందొచ్చు.
