ఈ రోజుల్లో చాలామంది బిజీ లైఫ్స్టైల్ వల్ల లేదా సోషల్ మీడియా ప్రభావం వల్ల నలుగురిలో కలవకుండా ఒంటరిగా గడుపుతున్నారు. ప్రశాంతత కోసం ఒంటరిగా ఉండటం వేరు, కానీ మనసుకి ఇష్టం లేకపోయినా ఒంటరిగా ఉండిపోవడం చాలా ప్రమాదకరం. ఒంటరితనం అనేది కేవలం మానసిక సమస్య మాత్రమే కాదని, అది మన ప్రాణాలకే ముప్పు తెస్తుందని వైద్యులు హెచ్చరిస్తున్నారు. అసలు ఒంటరితనం వల్ల వచ్చే ఆ ప్రమాదకరమైన జబ్బులేంటో ఇప్పుడు తెలుసుకుందాం..
ఎక్కువకాలం ఒంటరితనంతో బాధపడేవారిలో తీవ్రమైన మానసిక ఒత్తిడి పెరుగుతుంది. ఇది నేరుగా గుండె ఆరోగ్యంపై ప్రభావం చూపుతుంది. రక్తపోటు పెరగడం, హార్ట్ ఎటాక్ మరియు బ్రెయిన్ స్ట్రోక్ (పక్షవాతం) వంటి ప్రాణాంతక సమస్యలు వచ్చే అవకాశం ఉందని వైద్య నిపుణులు చెబుతున్నారు.
ఇక ఒంటరితనం మన మెదడు పనితీరును మరియు శరీరంలో వ్యాధులపై పోరాడే రోగనిరోధక వ్యవస్థను తీవ్రంగా దెబ్బతీస్తుంది. ఇక దీనివల్ల జ్ఞాపకశక్తి తగ్గిపోవడం, మతిమరుపు (డిమెన్షియా) రావడం మరియు తరచూ రకరకాల ఇన్ఫెక్షన్ల బారిన పడే ప్రమాదం పెరుగుతుంది.
ఇక చాలామంది సోషల్ మీడియాలో వందల మంది ఫ్రెండ్స్ ఉన్నారని అనుకుంటారు. కానీ డిజిటల్ స్క్రీన్ల ముందు గడిపే సమయం నిజమైన సంతోషాన్ని ఇవ్వదు. పిల్లలు, పెద్దలు ఫోన్ల వాడకం తగ్గించి, నేరుగా మనుషులతో మాట్లాడటం, కొత్త స్నేహాలు చేసుకోవడం అలవాటు చేసుకోవాలి.
మానవ సంబంధాలను పెంచుకోవడం, ప్రాణస్నేహితులు మరియు కుటుంబ సభ్యులతో సమయం గడపడం మన మానసిక, శారీరక ఆరోగ్యానికి ఎంతో ముఖ్యం. ఇక మనస్సు విప్పి మాట్లాడటం వల్ల ఒంటరితనం తగ్గి, ఆయుష్షు కూడా పెరుగుతుంది.
గమనిక: మీలో లేదా మీ చుట్టుపక్కల వారిలో తీవ్రమైన ఒంటరితనం, మానసిక కుంగుబాటు (డిప్రెషన్) కనిపిస్తే వెంటనే సైకాలజిస్ట్ లేదా మానసిక నిపుణులను సంప్రదించి కౌన్సెలింగ్ తీసుకోవడం శ్రేయస్కరం.
