2024 ఐపీఎల్లో రాయల్ ఛాలెంజర్స్ బెంగళూరు నాలుగో విజయం నమోదు చేసింది. చిన్నస్వామి వేదికగా గుజరాత్ టైటాన్స్తో తలపడ్డ ఆర్సీబీ 4 వికెట్ల తేడాతో నెగ్గింది. గుజరాత్ నిర్దేశించిన 148 పరుగుల లక్ష్యాన్ని 13.4 ఓవర్లలో 6 వికెట్లు కోల్పోయి ఛేదించింది. కెప్టెన్ ఫాఫ్ డూప్లెసిస్ (64 పరుగులు, 23 బంతుల్లో; 10×4, 3×6) మెరుపు హాఫ్ సెంచరీతో అదరగొట్టాడు. దినేశ్ కార్తిక్ (21*) రాణించాడు.
148 పరుగుల ఛేదనలో ఆర్సీబీ ఓపెనర్లు విరాట్ కోహ్లీ (42), ఫాఫ్ డూప్లెసిస్ (64) , విల్ జాక్స్ (1), రజత్ పాటిదార్ (2), గ్లెన్ మ్యాక్స్వెల్ (4), కామెరూన్ గ్రీన్ (1), విరాట్ కోహ్లీ (42) ఔటయ్యారు. 24 పరుగుల వ్యవధిలో ఆర్సీబీ 5 వికెట్లు కోల్పోయింది. ఇక చివర్లో దినేశ్ కార్తిక్ (21*), స్వప్నిల్ సింగ్ (10*) బెంగళూరు విజయాన్ని ఖాయం చేశారు. గుజరాత్ యంగ్ బౌలర్ జోషువా లిటిల్ ..డూప్లెసిస్, రజత్ పాటిదార్, గ్లెన్ మ్యాక్స్వెల్, గ్రీన్ను పెవిలియన్ చేర్చాడు
అంతకుముందు టాస్ ఓడి బ్యాటింగ్కు దిగిన గుజరాత్ 19.3 ఓవర్లలో 147 పరుగులకు ఆలౌటైంది. ఓపెనర్లు శుభ్మన్ గిల్(2), వృద్ధిమాన్ సాహ (1), షారుక్ ఖాన్ (37 పరుగులు), డేవిడ్ మిల్లర్ (30 పరుగులు), రాహుల్ తెవాటియా (35 పరుగులు), రషీద్ ఖాన్ (18 పరుగులు) , విజయ్ శంకర్ (10 పరుగులు) విఫలమవ్వడం వల్ల గుజరాత్ ఇన్నింగ్స్ ముగిసింది. ఆర్సీబీ బౌలర్లలో సిరాజ్, యశ్ దయాల్, విజయ్ కుమార్ తలో 2, గ్రీన్, కర్ణ్ శర్మ చెరో 1 వికెట్ దక్కించుకున్నారు.
