అంతర్జాతీయ క్రికెట్కు ధోనీ రిటైర్మెంట్ ప్రకటించాడు. తన ఇన్స్టా ద్వారా ఈ విషయాన్ని వెల్లడించాడు. 2004 డిసెంబరు 23న తొలి వన్డే మ్యాచ్ ఆడాడు మహీ. ఈ మ్యాచ్లో బంగ్లాదేశ్పై అరంగేట్రం చేశాడు. 2005 డిసెంబరు 2న తొలి టెస్టు మ్యాచ్ ఆడాడు. గతేడాది జరిగిన ప్రపంచకప్ సెమీఫైనల్లో న్యూజిలాండ్తో చివరి మ్యాచ్ ఆడాడు. అప్పటి నుంచి క్రికెట్కు దూరంగా ఉంటున్నాడు.
ఇప్పుడు కొంతమంది మనసులో ఒక సందేహం ముదురుతోంది. ధోని రిటైర్మెంట్ ను తెలియజేయడానికి ఆగస్టు 15 న 19:29 అనే సమయాన్ని ఎందుకు ఎంచుకున్నాడు. ఆ సమయానికి ఏమైనా ప్రత్యేక ఉందా అనే దిశగా క్రీడాభిమానులు, విశ్లేషకులు ఆలోచిస్తున్నారు. ధోని ఈ వార్తను తెలియజేసిన అప్పుడు సోషల్ మీడియా వేదికలో భావోద్వేగ వీడియోను పెట్టాడు. అందులో అనేక అంశాల గురించి అతను చెబుతూ తన క్రీడా ప్రస్థానం గురించి చర్చించాడు. ఇప్పుడు ప్రతి ఒక్కరూ ఆ సమయానికి ఉన్న లింక్ ఎంటి అని ఆలోచిస్తున్నారు.ధోనీ జెర్సీ నెంబర్ 7 , రైనా జెర్సీ నెంబర్ 3 ఈ రెండు కలిపి 73 అయితే… సరిగ్గా స్వాతంత్ర్యం వచ్చి 73 సంవత్సరాల అయింది. ఇందుకేనా తన రిటైర్మెంట్ ఈ వార్తను స్వతంత్ర దినోత్సవం రోజు తెలిపాడు.
ఇక ధోనీ అదే టైముకు రిటైర్మెంట్‌ను ప్ర‌క‌టించ‌డం వెనుక ఉన్న మ‌రో కార‌ణం.. 2019 వన్డే ప్ర‌పంచ క‌ప్‌లో సెమీ ఫైన‌ల్ మ్యాచ్లో భార‌త్.. న్యూజిలాండ్ చేతిలో ఓట‌మి పాలైంది. ఆ మ్యాచ్ ముగిసిన స‌మ‌యం 19.29 కాగా.. సరిగ్గా అదే టైముకు ధోనీ రిటైర్మెంట్ ప్రకటించాడు. అలాగే 1929 నంబ‌ర్‌ను ఏంజ‌ల్ నంబ‌ర్ అంటారు. ఓ వ్య‌క్తి తన జీవితంలో గొప్ప ప‌నిని పూర్తి చేసిన‌ప్పుడు అందుకు సూచ‌కంగా ఈ నంబ‌ర్‌ను వాడుతారు. ధోనీ కూడా టీమిండియాకు గొప్ప‌గా సేవ‌లు అందించి రిటైర‌య్యాడు.. క‌నుక‌నే అతను ఆ నంబ‌ర్ వచ్చేలా 19.29 గంట‌ల‌కు రిటైర్మెంట్ ప్రకటించాడు.
