ప్రపంచ కప్-2022 టోర్నీల నేపథ్యంలో బంగ్లాదేశ్ క్రికెట్ బోర్డు కీలక నిర్ణయం తీసుకుంది. ఈ మెగా ఈవెంట్ కోసం టీమిండియా మాజీ క్రికెటర్ శ్రీధరన్ శ్రీరామ్ ను కోచ్ గా నియమించినట్లు సమాచారం. ఈ విషయాన్ని బంగ్లాదేశ్ క్రికెట్ బోర్డు డైరెక్టర్ వెల్లడించినట్లు ది డైలీ స్టార్ తన కథనంలో పేర్కొంది. “అవును, ప్రపంచ కప్ ఈవెంట్ వరకు మేము శ్రీరామ్ తో కలిసి పని చేయబోతున్నాం.
ఆసియా కప్ నుంచి సరికొత్త ఉత్సాహంతో ముందుకు సాగేందుకు ఈ నిర్ణయం తీసుకున్నాం. మా ప్రధాన లక్ష్యం టి20 ప్రపంచ కప్. నిజానికి వరల్డ్ కప్ టోర్నీ సమయంలో ఈ నియామకం జరిగినట్లయితే, అప్పటికప్పుడు పరిస్థితులను అర్థం చేసుకొని జట్టుతో ఏకమయ్యే అవకాశాలు తక్కువగా ఉంటాయి. కాబట్టి ఆసియా కప్ ఈవెంట్ నుంచే జట్టుతో కలిసేలా ప్రణాళికలు వేశాం” అని సదరు అధికారి పేర్కొన్నట్లు డైలీ స్టార్ తెలిపింది.
