అమెరికాలోని లాస్ ఏంజిల్స్ వేదికగా 2023 ఆస్కార్ అవార్డుల వేడుకఅట్టహాసంగా కొనసాగుతోంది. ప్రపంచ వ్యాప్తంగా ఉన్న సినీ తారలు ఈ వేడుకకు తరలివచ్చారు. ఆస్కార్ వేదికపై తెలుగు సినిమా పాట సందడి చేసింది. ఆర్ఆర్ఆర్ సినిమాలోని నాటు నాటు పాట లైవ్ పర్ఫామెన్స్ జరిగింది. ఈ పాటను ఆస్కార్ వేదికపై బాలీవుడ్ దివా దీపికా పడుకోన్ ఇండ్రడ్యూస్ చేసింది. ఆ పాట నేపథ్యాన్ని, అవార్డుల వేడుకకు హాజరైన వారికి వివరించింది.
ఆస్కార్-2023 వేడుకల్లో తెలుగు పాట ‘నాటు నాటు’ అదరగొట్టింది. ఈ పాటను ఒరిజినల్గా పాడిన గాయకులు కాలభైరవ, రాహుల్‌ సిప్లిగంజ్‌ లైవ్‌లో పాడారు. వారి పాటకు వెస్ట్రన్‌ డ్యాన్సర్‌ తమ డ్యాన్స్‌తో ఉర్రూతలూగించారు. ఈ పాట ప్రదర్శన సమయంలో ఆస్కార్ వేడుకకు వేదికైన డాల్బీ థియేటర్‌ మొత్తం కరతాళ ధ్వనులతో మార్మోగిపోయింది. పాట పూర్తవ్వగానే అక్కడున్న తారలంతా లేచి నిలబడి మరీ చప్పట్లు కొట్టారు. నాటు నాటు పర్ఫామెన్స్ పూర్తవ్వగానే ఆడియెన్స్తో పాటు దర్శకధీరుడు రాజమౌళి కూడా తన సీటులో నుంచి లేచి చప్పట్లు కొట్టారు. రాజమౌళి చిన్నపిల్లాడిలా కేరితంలు కొడుతోన్న వీడియో ఇప్పుడు వైరల్ అవుతోంది.
Maverick Director #SSRajamouli is super delighted after watching the Fantastic Live Performance of Global Sensation #NaatuNaatu 🔥🔥💥💥@ssrajamouli #NaatuNaatuForOscars #RRRForOscars #TeluguFilmNagar pic.twitter.com/dj0XmvQ4lY
— Telugu FilmNagar (@telugufilmnagar) March 13, 2023
