సినిమా వాళ్ళ జీవితం ఏ క్షణాన ఎలా మారుతుందో ఊహించడం చాలా కష్టం. నిన్నటి వరకు స్టార్ అయినా ఒక్కరోజు చాలు స్టార్ డమ్ పడిపోవడానికి. సరిగ్గా ఈయనకు అలాగే జరిగింది. తెలుగు ఇండస్ట్రీలో ఆయనో లెజెండరీ నిర్మాత. గత 35 ఏళ్ల కాలంలో ఎన్నో సంచలన సినిమాలు నిర్మించిన ఈయన బ్యానర్ నుంచి కొన్నేళ్లుగా ఈయన నిర్మిస్తున్న సినిమాలు నాణ్యత లోపించాయి. బాలకృష్ణ, చిరంజీవి, లాంటి స్టార్ హీరోలందరితోనూ సినిమాలు నిర్మించాడు.
ఇప్పుడు కూడా ప్రస్తుత హిట్ హీరోలు అందరితోనూ సినిమాలు నిర్మించారు. అయిన కూడా గత కొంతకాలంగా ఈయన బ్యానర్ లో వచ్చిన ఒక్క సినిమా కూడా సరిగా ఆడలేదు. దీంతో ఇండస్ట్రీలో ఈయన పరిస్థితి పూర్తిగా మారిపోయింది. అప్పుల మీద అప్పులు చేసి ఆర్థికంగా బాగా నష్టపోయారు. స్టార్ హీరో లతో చేసిన సినిమాలు కూడా ఫ్లాప్ అవ్వడంతో ప్రస్తుతం దిక్కుతోచని పరిస్థితిలో ఉన్నారు ఆ నిర్మాత. ఇండస్ట్రీలో ఓ పెద్ద హీరో ఆదుకుంటానని డేట్స్ ఇచ్చి సినిమా చేస్తానని చెప్పి మోసం చేయడంతో ఆయన మరింతగా కృంగిపోయాడు.
రీసెంట్ గా ఆయన నిర్మించిన భారీ సినిమాలో పేరున్న దర్శకుణ్ణి ఎంపిక చేసినప్పటికీ సదరు సినిమాలో హీరో గారి జోక్యం తో ఆ చిత్రం నిర్మాతను నిలువునా ముంచేసిందని చిత్ర పరిశ్రమ కోడై కూస్తోంది. ఈ పరిస్థితి లో ఈయన అప్పుల బాధ నుండి బయట పడాలంటే ఒక బ్లాక్ బస్టర్ సినిమా చేయడం చాలా అవసరం. అయితే ఇటువంటి పరిస్థితుల్లో ఈయన బ్యానర్ లో సినిమా చేసేందుకు ముందుకు వచ్చే హీరో ఎవరా అని ఇండస్ట్రీలో చర్చ నడుస్తోంది.
