ఆంధ్రప్రదేశ్ ప్రతిపక్ష నేత చంద్రబాబుకు అత్యంత సన్నిహితంగా ఉండే నాయకులలో ఒకరు సుజనాచౌదరి. చంద్రబాబు ముఖ్యమంత్రిగా ఉన్న సమయంలో కేంద్రంలో మంత్రిగా పనిచేసిన సుజనాచౌదరి 2019 ఎన్నికల్లో టీడీపీ ఓటమి తో బిజెపి పార్టీ తీర్థం పుచ్చుకోవడం జరిగింది. ప్రస్తుతం బిజెపి పార్టీలో కొనసాగుతున్న సుజనా చౌదరి స్టార్టింగ్ లో ఆంధ్రప్రదేశ్ ముఖ్యమంత్రి వైయస్ జగన్ పై తీవ్రస్థాయిలో మండిపడ్డారు. అయితే ఇటీవల బిజెపి పార్టీ నాయకులు వైయస్ జగన్ తో చాలా సన్నిహితంగా ఉండటంతో పాటు అనధికారికంగా పొత్తు వ్యవహరించడంతో సుజనా చౌదరి కి బీజేపీ రోజు రోజుకి ప్రాధాన్యత తగ్గిపోతుంది. 
అయితే ఆయనకు రాజకీయంగా క్షేత్రస్థాయిలో బలం లేదన్న సంగతి బిజెపికి కూడా తెలుసు. ఈ మేరకు సాక్షాలతో సహా ఆధారాలతో సహా సుజనా చౌదరి బ్యాంకు దగ్గర రుణాలు తీసుకొని ఎగోట్టినట్లు ఆధారాలు ఉండటంతో కేంద్ర ఆర్థిక శాఖపై ఆర్బీఐ కూడా తీవ్ర స్థాయిలో ఒత్తిడి చేస్తున్నట్లు తెలుస్తోంది.సుజనా వ్యవహారంలో బ్యాంక్ లు చాలా ఇబ్బందులు ఎదుర్కోవాల్సి వస్తుందని, సుజనా వ్యవహారంలో కేంద్రం జోక్యం చేసుకోవద్దని ఆర్బీఐ ఒత్తిడి చేస్తున్నట్లు సమాచారం. ఇదే సమయంలో కేంద్ర పెద్దలు కూడా సుజనా చౌదరి వ్యవహారాన్ని చాలా లైట్ గా తీసుకున్నారు అని జాతీయ రాజకీయాల్లో వార్తలు వినబడుతున్నాయి. దీంతో త్వరలోనే ఐటి, ఈడీ శాఖలు సుజనా చౌదరి ని విచారించే అవకాశం ఉందని జాతీయ స్థాయిలో వార్తలు వస్తున్నాయి.
