కోలీవుడ్ స్టార్ న‌టుడు సూర్య తాజా చిత్రం త‌ర్కుం తునింధ‌న‌వ‌న్‌తో మ‌ళ్లీ ప్రేక్ష‌కుల‌ను అల‌రించ‌బోతున్నాడు. స‌న్ పిక్చ‌ర్స్ నిర్మిస్తున్న ఈ యాక్ష‌న్ థ్రిల్ల‌ర్ న‌టుడు సూర్య‌కు ప్రేమ‌గా ప్రియాంక అరుల్ మోహ‌న్ న‌టిస్తోంది. ఇమ్మాన్ సంగీతం అందించిన ఈ సినిమా తెలుగు, హిందీ, క‌న్న, మ‌ల‌యాళం భాష‌ల్లో కూడా విడుద‌ల కానున్న విష‌యం తెలిసిన‌దే. ప్ర‌పంచ వ్యాప్తంగా మార్చి 10న ఈ చిత్రం విడుద‌ల‌కు రెడిగా ఉంది.
ఈ చిత్రానికి పాండిరాజ్ ద‌ర్శ‌క‌త్వం వ‌హించారు. ఈటీ పేరుతో ప్రేక్ష‌కుల‌ను అల‌రించ‌నున్న ఈ సినిమా టీజ‌ర్‌కు ముహుర్తం ఖ‌రారు చేశారు మేకర్స్. ఈటీ మూవీ టీజ‌ర్ ను ఫిబ్ర‌వ‌రి 18న సాయంత్రం 6 గంట‌ల‌కు విడుద‌ల చేయ‌నున్య‌న‌ట్టు మేకర్స్ ప్ర‌క‌టించారు. ఈ విష‌యాన్ని వెల్ల‌డిస్తూ టీజ‌ర్ పోస్ట‌ర్‌ను విడుద‌ల చేశారు. ఆకాశ‌మే నీ హ‌ద్దురా, జైభీమ్ వంటి బ్లాక్ బ‌స్ట‌ర్ హిట్స్ త‌రువాత సూర్య నుంచి వ‌స్తున్న సినిమా కావ‌డంతో ఈటీపై భారీ అంచ‌నాలున్నాయి.
