ఇటీవల ఎమ్మెల్యే కోటా ఎమ్మెల్సీ ఎన్నికలలో ఏకగ్రీవంగా ఎన్నికైన ముగ్గురు నూతన ఎమ్మెల్సీలు శాసనమండలిలో ప్రమాణ స్వీకారం చేశారు. బిఆర్ఎస్ నుంచి బరిలో నిలిచిన దేశపతి శ్రీనివాస్, చల్లా వెంకట్రాంరెడ్డి, నవీన్ కుమార్ ఏకగ్రీవంగా ఎన్నికైన విషయం తెలిసిందే. ఈ నేపథ్యంలో నేడు శాసనమండలి చైర్మన్ గుత్తా సుఖేందర్ రెడ్డి తన ఛాంబర్ లో నూతన ఎమ్మెల్సీ లతో పదవీ ప్రమాణ స్వీకారం చేయించారు.
ఈ కార్యక్రమానికి మంత్రులు వేముల ప్రశాంత్ రెడ్డి, మహమూద్ అలీ, శ్రీనివాస్ గౌడ్, ఎమ్మెల్సీ కవిత, మల్లారెడ్డి తో పాటు పలువురు ఎమ్మెల్యేలు, ఎమ్మెల్సీలు హాజరయ్యారు.
