సికింద్రాబాద్ డెక్కన్ మాల్ భవనం కూల్చివేసిన స్థలాన్ని రాష్ట్ర పశుసంవర్దక శాఖ మంత్రి తలసాని శ్రీనివాస్ యాదవ్ పరిశీలించారు. భవనం కూల్చివేత వల్ల ఏమైనా నష్టం సంభవించిందా అని ఆరా తీశారు. మంత్రి అక్కడికి వచ్చారని తెలుసుకున్న స్థానికులు ఆ ప్రాంతానికి తరలివెళ్లారు.
అగ్నిప్రమాదం వల్ల పొరుగు భవనాలు దెబ్బతిన్నాయని మంత్రికి విన్నవించారు. దెబ్బతిన్న నివాసాలకు మరమ్మతులు చేయించాలని తలసానికి విజ్ఞప్తి చేశారు. స్థానికుల గోడు విన్న తలసాని..
దెబ్బతిన్న ఇళ్లకు నెలరోజుల్లో మరమ్మతులు చేయిస్తామని హామీ ఇచ్చారు. హైదరాబాద్ నగరంలో నివాస ప్రాంతాల్లోని గోదాములు గుర్తించి తొలగిస్తామని చెప్పారు. గోదాముల్లో ప్రమాదకర రసాయనాలు ఉంచితే కఠిన చర్యలు తీసుకుంటామని స్పష్టం చేశారు.
