నెక్స్ట్ టీడీపీని అధికారంలోకి తీసుకురావడం చంద్రబాబు ముందున్న అతి పెద్ద కర్తవ్యం…అందుకే ఈ వయసులో కూడా ఆయన ఇంత కష్టపడుతున్నారు..నిత్యం ప్రజా సమస్యలపై పోరాటం చేస్తున్నారు…ప్రజల్లో తిరుగుతున్నారు..జగన్ ప్రభుత్వంపై విరుచుకుపడుతున్నారు. అలాగే రాజకీయంగా వైసీపీ వల్ల ఇబ్బందులు ఎదురుకుంటున్న వారికి అండగా నిలుస్తున్నారు. అనేక మంది నేతలు, కార్యకర్తలు జైలుకు వెళ్ళిన, కేసులు పెట్టిన వెనక్కి తగ్గకుండా, వారికి ధైర్యం చెబుతూ బాబు ముందుకెళుతున్నారు.
కొందరు మాత్రం ఇంకా లైన్ లో పడటం లేదు. ఏదో జిల్లా టూర్లకు వచిన్నప్పుడు బాబు వెనుక తిరిగి కొందరు టీడీపీ నేతలు హడావిడి చేస్తున్నారు..అలాగే మీడియాలో కనిపిస్తే చాలు…ఇంకా పని చేస్తున్నట్లే అని చూపిస్తున్నారు. అసలు బాబు ఉన్న రెండు రోజులే హడావిడిగా పనిచేస్తున్నారు. బాబు వెళ్ళగానే ఎవరు పనిలో వారు ఉంటున్నారు. పూర్తి స్థాయిలో వారి వారి నియోజకవర్గాల్లో తిరుగుతూ…పార్టీని బలోపేతం చేసే కార్యక్రమాలు..ప్రభుత్వానికి వ్యతిరేకంగా నిరసన తెలిపే కార్యక్రమాలు, ప్రజా సమస్యలు తెలుసుకోవడం లాంటివి చేయడం లేదు.
