తెలంగాణ ప్రయాణికులకు అలెర్ట్. తెలంగాణ-కర్ణాటక సరిహద్దును ఈనెల 25 వరకు మూసివేస్తున్నట్లు అధికారులు తెలిపారు. కృష్ణా నది వంతెనకు మరమ్మతులు చేస్తున్న కారణంగా వాహనాల రాకపోకలు నిలిపివేస్తున్నట్లు వెల్లడించారు. రహదారికి బారికేడ్లు ఏర్పాటు చేసి మూసివేశారు.
నిలిచిపోయిన వాహనాలను ఎన్హెచ్-167 మీదుగా రాయచూర్ వెళ్లే వాహనాలు దారి మళ్లించారు. హైదరాబాద్, మహబూబ్నగర్ నుంచి రాయచూర్ వెళ్లే వాహనాలు దారి మళ్లించినట్లు అధికారులు తెలిపారు. ఈ వాహనాలను భూత్పూర్, ఎర్రవల్లి చౌరస్తా, గద్వాల, ధరూర్ మీదుగా రాయచూర్‌కు మళ్లిస్తున్నట్లు వెల్లడించారు. యాద్గిర్, నారాయణపేట నుంచి రాయచూర్ వెళ్లే వాహనాలను.. మరికల్, అమరచింత, జూరాల డ్యామ్‌, ధరూర్ మీదుగా రాయచూర్‌కు మళ్లిస్తున్నారు.
