బోనస్ ఇస్తానన్న కుక్కల కొడకా ఎక్కడున్నావ్ రా అని సీఎం రేవంత్ రెడ్డిపై మాజీమంత్రి హరీష్ రావు హాట్ కామెంట్స్ చేశారు. లోక్ సభ ఎన్నికల ప్రచారంలో భాగంగా ఏర్పాటు చేసిన మీటింగ్ లో మాట్లాడిన ఆయన కాంగ్రెస్ ప్రభుత్వంపై విమర్శలు చేశారు. అసెంబ్లీ ఎన్నికల సమయంలో రేవంత్ రెడ్డి మాట్లాడిన మాటలకు సంబందించిన వీడియోను సభాముఖంగా వినిపించారు. అనంతరం హరీష్ రావు మాట్లాడుతూ.. వడ్లకు ఐదు వందలు బోనస్ ఇస్తా. 2500 క్వింటాల్ కు వడ్లు కొంటానని రేవంత్ రెడ్డి మాట్లాడారని అన్నారు.
ఆ సమయంలో వానాకాలం సీజన్ ఉండటంతో రైతులు పండించిన దాన్యం దాచిపెట్టుకోవాలని, అధికారంలోకి రాగానే వాటికి కూడా 500 బోనస్ ఇచ్చి కొంటానని చెప్పాడని, మరి అధికారంలోకి వచ్చాక బోనస్ ఇచ్చాడా అని ప్రజలను ప్రశ్నించారు. ఇప్పుడు యాసింగి సీజన్ కూడా వచ్చిందని, మక్కలకు 500 బోనస్ ఇస్తా అన్న కుక్కల కొడకా ఎక్కడున్నవురా అని అడగాలని ప్రజలకు సూచించారు. కాంగ్రెస్ వాళ్లు ఏం మొఖం పెట్టుకొని వచ్చి ఓట్లు అడుగుతారని ప్రశ్నించారు. ఓట్లు అడగటానికి వచ్చినప్పుడు రేవంత్ రెడ్డి మాట్లాడిన వీడియో చూపించి బోనస్ ఏదని ప్రశ్నించాలని అన్నారు.
