పుష్ప 2 కు బిగ్‌ షాక్‌.. టికెట్ ధరలపై తెలంగాణ హైకోర్టు కీలక ఆదేశాలు జారీ చేసింది. పుష్ప 2 సినిమా టికెట్ ధరల పెంపు వివాదం కొనసాగుతున్న సంగతి తెలిసిందే. ఈ తరుణంలోనే.. ఇవాళ పుష్ప 2 సినిమా టికెట్ ధరల పెంపు వివాదంపై తెలంగాణ హైకోర్టు లో విచారణ చేసింది.
బెనిఫిట్ షో ద్వారా వచ్చే డబ్బును ఎక్కడికి మల్లిస్తున్నారని పుష్ప 2 టీంను పిటిషనర్ ప్రశ్నించారు. ఇక దీనిపై విచారించిన కోర్టు.. కీలక ఆదేశాలు జారీ చేసింది. పూర్తి వివరాలు రెండు వారాల్లో సమర్పించాలని మైత్రి మూవీస్ కు హైకోర్టు ఆదేశాలు జారీ చేసింది.
కాగా, పుష్ప 2 టీంకు చంద్రబాబు సర్కార్‌ శుభవార్త చెప్పింది. పుష్ప 2 టికెట్ రేట్లు పెంచుకునేందుకు అనుమతినిచ్చింది ఏపీ ప్రభుత్వం. ఆంధ్రలో కూడా ఒకరోజు ముందే డిసెంబర్ 4 రాత్రి 9:30 గంటలకు పుష్ప ప్రీమియర్ షోస్ ఉండనున్నాయి.
ప్రీమియర్ షో టికెట్ రేటు రూ.800 హైక్ చేసింది ఏపీ సర్కార్‌. డిసెంబర్ 5 నుంచి డిసెంబర్ 17 వరకు మల్టీప్లెక్స్ లో టికెట్ రేట్ కంటే రూ.200 అధికంగా హైక్ చేశారు. సింగిల్ స్క్రీన్స్ అప్పర్ క్లాసుకు రూ.150, లోయర్ క్లాసుకు రూ.100 అధికంగా పెంచుకునేందుకు అనుమతినిచ్చింది ఏపీ ప్రభుత్వం.
