బీఆర్ఎస్ పార్టీకి వరుస షాక్లు తగులుతున్నాయి. ఇప్పటికే తొమ్మిది మంది ఎమ్మెల్యేలు కాంగ్రెస్ తీర్థం పుచ్చుకోగా.. మరికొంత మంది పార్టీని వీడేందుకు సిద్ధంగా ఉన్నట్లు తెలిసింది. తాజాగా బీఆర్ఎస్ పటాన్చెరు ఎమ్మెల్యే గూడెం మహిపాల్ రెడ్డి సీఎం రేవంత్ రెడ్డి నివాసానికి వెళ్లడంతో త్వరలో ఆయన కూడా కాంగ్రెస్ చేరనున్నట్లు ప్రచారం జరుగుతోంది.
ఇప్పటికే బీఆర్ఎస్ నుంచి దానం నాగేందర్, తెల్లం వెంకట్రావు, కడియం శ్రీహరి, పోచారం శ్రీనివాస్ రెడ్డి, సంజయ్ కుమార్, కాలె యాదయ్య, కృష్ణమోహన్ రెడ్డి, ప్రకాశ్గౌడ్, అరికెపూడి గాంధీ కాంగ్రెస్లో చేరారు. మరికొందరు ముఖ్యంగా గ్రేటర్ హైదరాబాద్ నుంచి పలువురు త్వరలో కాంగ్రెస్లో చేరనున్నట్లు సమాచారం. ఈ నేపథ్యంలో మహిపాల్ రెడ్డి సీఎంను కలవడంతో రాజకీయవర్గాల్లో చర్చనీయాంశమైంది. మహిపాల్ రెడ్డి 2014 నుంచి మూడుసార్లు వరుసగా బీఆర్ఎస్ తరఫున గెలిచారు. గ్రేటర్ హైదరాబాద్ పరిధిలో అసెంబ్లీ ఎన్నికల్లో కాంగ్రెస్ పార్టీకి ఒక్కసీటు కూడా దక్కలేదు. దీంతో అక్కడ తన బలాన్ని పెంచుకోవడానికి గ్రేటర్ హైదరాబాద్ ఎమ్మెల్యేలను కాంగ్రెస్లోకి ఆహ్వానిస్తోంది.
