హైదరాబాద్ లో ట్రాఫిక్ సమస్య ఇబ్బందిగా మారుతున్న సంగతి తెలిసిందే. రోడ్ల మీద వాహానాలు పెరుగుతుండడంతో సమస్య రోజు రోజుకీ ఎక్కువవుతూ ఉంది. అదీగాక ట్రాఫిక్ నియమాలని తుంగలో తొక్కి ఇష్టారాజ్యంగా వెళ్ళే వాహనదారులు మరింత ఇబ్బంది కలిగిస్తున్నారు. ఈ నేపథ్యంలో ట్రాఫిక్ పోలీసులు ఎన్నో అవగాహన కార్యక్రమాలు చేపడుతున్నారు. అయినా కూడా రోడ్డు తమదే అన్నట్టుగా వ్యవహరిస్తున్నారు.
Dear @Zomato,
Is this what you teach your executives? pic.twitter.com/hWcI6dae0n
— CYBERABAD TRAFFIC POLICE సైబరాబాద్ ట్రాఫిక్ పోలీస్ (@CYBTRAFFIC) September 24, 2020
తాజాగా ఆన్ లైన్ ఫుడ్ డెలివరీ సంస్థ అయిన జొమాటోకి ట్రాఫిక్ పోలీసులు సోషల్ మీడియా ద్వారా మర్యాదపూర్వకంగా హెచ్చరించారు. ఒకానొక జొమాటో ఎగ్జిక్యూటివ్ బైక్ మీద వెళుతూ తప్పుదారిలో రోడ్డును దాటుతున్నాడు. ఈ మేరకు ఈ విజువల్స్ సీసీటీవీలో పడ్డాయి. ఆ వీడియోని ట్విట్టర్ ద్వారా పోస్ట్ చేసిన సైబరాబాద్ ట్రాఫిక్ పోలీస్, మీ ఎగ్జిక్యూటివ్స్ కి ఇదే నేర్పుతున్నారా అంటూ ప్రశ్నించింది. అయితే ఈ విషయమై స్పందించిన జొమాటో టీమ్, ఆ బైకు ఇతర వివరాలు తెలియజేస్తే చర్యలు తీసుకుంటామని, మళ్ళీ ఇలాంటి తప్పులు జరగనీయకుండా చూసుకుంటామని తెలిపింది.
