ములుగు బిజెపి అభ్యర్థిగా మాజీ మంత్రి చందూలాల్ కొడుకు డాక్టర్ ప్రహల్లద్ బరిలో ఉన్నట్లు సమాచారం అందుతోంది. ఇందులో భాగంగానే నేడు బిజెపిలో చేరుతున్నారు మాజీ మంత్రి చందూలాల్ కొడుకు డాక్టర్ ప్రహల్లద్. ములుగు నుండి భారీ కాన్వాయ్ తో హైదరాబాద్ బిజెపి ఆఫీస్ కు వెళ్లనున్నారు డాక్టర్ ప్రహల్లాద్.
హైదరాబాదులో బిజెపి ఆఫీసులో తెలంగాణ రాష్ట్ర అధ్యక్షుడు కిషన్ రెడ్డి సమక్షంలో కాషాయ కాండువ కప్పుకోనున్నారు ప్రహల్లద్. ములుగు బిజెపి అభ్యర్థిగా ప్రహల్లద్ పేరును పరిశీలించనున్న బిజెపి అధిష్టానం..అతనికే ఇచ్చేందుకు సిద్ధమైనట్లు సమాచారం అందుతోంది.
కాగా, నేడు ఉమ్మడి వరంగల్ జిల్లా లోని 12 నియోజకవర్గాల బిజెపి కార్యకర్తల విస్తృత స్థాయి సమావేశం జరుగనుంది. హంటర్ రోడ్ లోని విష్ణు ప్రియ గార్డెన్ లో ఏర్పాటుచేసిన బిజెపి విస్తృతస్థాయి సమావేశంలో పాల్గొన్నారు మాజీ ఎంపీ వివేక్. ఈ నెల 15న బిజెపి చేపడుతున్న తెలంగాణ విమోచన ర్యాలీని విజయవంతం చేసేలా కార్యచరణ రూపొందించనున్నారు నేతలు. హైదరాబాదులో సెప్టెంబర్ 17న నిర్వహిస్తున్న సభను విజయవంతం చేసేందుకు తీసుకోవాల్సిన చర్యల పైనా ఈ విస్తృత స్థాయి సమావేశంలో చర్చించే అవకాశం ఉంది.
