Hyd: ట్యాంకర్ను కారు ఢీకొట్టడంతో ముగ్గురు మృతి చెందారు. ఈ సంఘటన దుండిగల్ పోలీస్ స్టేషన్ పరిధి ఔటర్ రింగ్ రోడ్ సమీపంలో చోటు చేసుకుంది. ఈ సంఘటన ఇంజనీరింగ్ విద్యార్థులు మరణించారట. ఈ సంఘటన వివరాలు ఇలా ఉన్నాయి. దుండిగల్ పోలీస్ స్టేషన్ పరిధి ఔటర్ రింగ్ రోడ్ సమీపంలో ఘోర రోడ్డు ప్రమాదం చోటు చేసుకుంది. బాచుపల్లిలోని ఓ ఇంజనీరింగ్ కళాశాలలో మొదటి సంవత్సరం చదువుతున్న విద్యార్థులు టీ తాగేందుకు వెళ్తున్నామని వార్డెన్ కు చెప్పి..బయటకు వచ్చారు.
![](https://cdn.manalokam.com/wp-content/uploads/2024/07/Hyderabad-3-engineering-students-killed-in-car-crash.jpg)
మార్గంమధ్యలో దుండిగల్ ఎగ్జిట్ నంబర్ – 5 సమీపంలో మూల మలుపు వద్ద ఎదురుగా వస్తున్న ట్యాంకర్ను కారు ఢీ కొట్టింది. కారు నడుపుతున్న అక్షయ్ తో పాటు అస్మిత్, హరి అక్కడికక్కడే మృతి చెందారు. ఇక ఈ సంఘటనపై కేసు నమోదు చేసుకుని దర్యాప్తు చేస్తున్నారు పోలీసులు. కారు అతి వేగమే ప్రమాదానికి కారణం అని తెలిపారు పోలీసులు. ఔటర్ రింగ్ రోడ్ సమీపంలో జరిగిన ఘోర రోడ్డు ప్రమాదంపై ఇంకా వివరాలు తెలియాల్సి ఉంది.