కోమటిరెడ్డి మాట్లాడే ముందు మైక్ కాదు..పైప్ పెట్టండి – జగదీశ్ రెడ్డి

కోమటిరెడ్డి మాట్లాడే ముందు మైక్ కాదు..పైప్ పెట్టండి అంటూ సంచలన వ్యాఖ్యలు చేశారు జగదీశ్ రెడ్డి. ఏపీ ప్రభుత్వం తెలంగాణ వాటా నీటిని తరలించుకు పోతుంటే సీఎం చంద్రబాబుతో మాట్లాడేందుకు రాష్ట్ర నీటి పారుదల శాఖ మంత్రి ఉత్తమ్ కుమార్ రెడ్డికి వణుకు పుడుతోందని ఎమ్మెల్యే జగదీష్ రెడ్డి కీలక వ్యాఖ్యలు చేశారు. ఎందుకంటే చంద్రబాబు ద్వారా పైరవీ చేసి ముఖ్యమంత్రి పదవి తెచ్చుకుందామనే ఆలోచనతో ఆయనకు ఉత్తమ్ కుమార్ రెడ్డి ఎదురు మాట్లాడట్లేదని విమర్శించారు. బీజేపీని అడగడానికి కాంగ్రెస్ ప్రభుత్వానికి దమ్ము లేదన్నారు.

సీఎం రేవంత్ రెడ్డి ప్రధాని మోడీకి బీ టీం అని.. అందుకే చంద్రబాబుతో మాట్లాడే ధైర్యం అటు రేవంత్ రెడ్డి, ఇటు ఉత్తమ్ కుమార్ రెడ్డి చేయడం లేదని ఘాటు వ్యాఖ్యలు చేశారు. 9 ఏండ్లు మేము చంద్రబాబును అడుగు కూడా పెట్టనివ్వలేదు.. ఒక్కసారి వస్తే తన్ని పంపించేసాము… నాగార్జున సాగర్ మా చేతిలో ఉన్నంత కాలం మా ఇష్టానుసారంగా నీళ్లు వదిలామన్నారు. మీరు మీ స్వార్థ ప్రయోజనాల కోసం మోడీకి, చంద్రబాబుకు తల వంచి.. తెలంగాణకు అన్యాయం చేస్తున్నారు అని ఆగ్రహించారు మాజీ మంత్రి ఎమ్మెల్యే జగదీష్ రెడ్డి.