తెలంగాణ రాష్ట్రంలో తీవ్ర విషాదం చోటు చేసుకుంది. వేతనం రాక పంచాయితీ కార్యాలయం ఉద్యోగి ఆత్మహత్య చేసుకున్నాడు. ఈ సంఘటన వివరాలు ఇలా ఉన్నాయి. మెదక్ జిల్లా అల్లాదుర్గంకు చెందిన బోయిని కుమార్ (28) గ్రామ పంచాయతీ కార్యాలయంలో తాత్కాలిక ఉద్యోగిగా పనిచేస్తున్నాడు.
సకాలంలో వేతనాలు రాకపోవడంతో ఆర్థిక ఇబ్బందులు ఏర్పడగా ఈ నెల 21న అర్ధరాత్రి తన ఇంటిలో పురుగుల మందు ఆత్మహత్య చేసుకున్నాడు. కుటుంబ సభ్యులు హైదరాబాద్ ఉస్మానియాకు తరలించగా అక్కడ చికిత్స పొందుతూ మృతి చెందాడు. మృతుడి సోదరుడు ఫిర్యాదు మేరకు కేసు నమోదు చేసిన పోలీసులు… ఈ కేసు ను దర్యాప్తు చేస్తున్నారు.
