బీఆర్ఎస్ నుంచి వీడిపోయిన నేతలు పొంగులేటి శ్రీనివాస్, జూపల్లి కృష్ణారావులు ఏ పార్టీలో చేరతారనే విషయంపై ఇప్పటికీ స్పష్టత రాలేదు. ఓవైపు కాంగ్రెస్లో చేరడం ఖాయమని వినిపిస్తుంటే.. మరోవైపు బీజేపీ.. కూడా తమవంతు ప్రయత్నాలు చేస్తోంది. అయితే… తాజాగా జూపల్లి, పొంగులేటి ఇద్దరూ కాంగ్రెస్ పార్టీలోకి చేరడం పై తాజాగా ఓ కీలక ప్రకటన వచ్చింది.
ఈ నెల 22 న కాంగ్రెస్ లోకి జూపల్లి, పొంగులేటి రానున్నట్లు సమాచారం అందుతోంది. రాహుల్ గాంధీ తో జూమ్ లో మాట్లాడారు పొంగులేటి, రేవంత్. రాహుల్ గాంధీతో జూమ్ సమావేశం ఏర్పాటు చేశారు డీకే శివ కుమార్. ఈ సందర్భంగా కాంగ్రెస్ పార్టీలో చేరికపై వీరూ చర్చించారు. ఇక ఈ నె 21 న ఢిల్లీకి అమెరికా నుంచి రాహుల్ రానున్నారు. అదే రోజు ఢిల్లీకి రేవంత్ రెడ్డి వెళతారు. అదే సమయంలో… కాంగ్రెస్ లో జూపల్లి, పొంగులేటి చేరనున్నారు. ఇక చేరిక తరవాత ఖమ్మం, మహబూబ్ నగర్ లో సభలు నిర్వహించనుంది కాంగ్రెస్ పార్టీ.
