గుజరాత్లో బిల్కిస్ బానో అత్యాచార దోషులను విడుదల చేయడంపై దేశవ్యాప్తంగా దుమారం రేగుతోంది. ఇప్పటికే పలు పార్టీల నేతలు ఈ విషయంపై నిప్పులు చెరుగుతున్నారు. తాజాగా మంత్రి కేటీఆర్ కూడా ఈ అంశంపై స్పందించారు. ఇప్పటికే.. 11 మంది నిందితులను గుజరాత్ ప్రభుత్వం విడుదల చేయటాన్ని తీవ్రంగా తప్పుబట్టిన మంత్రి కేటీఆర్.. ఇప్పుడు మరోసారి కేంద్రంపై విరుచుకుపడ్డారు.
స్వాత్రంత్య్ర దినోత్సవం రోజునే 11 మంది అత్యాచార దోషులను విడుదల చేయడాన్ని మంత్రి కేటీఆర్ ఖండించారు. ఈ విషయంలో ప్రధాని నరేంద్ర మోదీ సర్కార్ జోక్యం చేసుకుని ఆ రేపిస్టులను విడుదల చేయకుండా.. కఠిన శిక్ష పడేలా చూడాలని ప్రత్యేకంగా విజ్ఞప్తి కూడా చేశారు. ఈ ఘటనపై మంత్రి కేటీఆర్తో పాటు పలువురిని నుంచి వ్యతిరేకత వచ్చిన సంగతి తెలిసిందే.
అయితే.. జైలు నుంచి విడుదలైన దోషులకు.. స్థానికంగా కొంతమంది పూల మాలలు వేసి సత్కరించారు. దోషులను విడుదల చేయడంపైనే తీవ్ర వ్యతిరేకత వస్తుంటే.. పైగా వారికి కొందరు పూల మాలలు వేసి ఆహ్వానించటాన్ని చూసి మంత్రి తీవ్ర అసహనాన్ని తనదైన శైలిలో వెల్లగక్కారు. దీనిపై ట్విటర్ వేదికగా స్ఫందించిన కేటీఆర్… రేపిస్టులకు పూల మాలలు వేసి యుద్ధ వీరుల్లా సత్కరించటం మన దేశంలోనే చెల్లుతుందని నిర్వేదం వ్యక్తం చేశారు. కొందరి తీరుకిది నిదర్శనమనమంటూ రాసుకొచ్చారు. బిల్కిస్కి జరిగిన ఘటన మనలో ఎవరికైనా జరగొచ్చని.. నిందితులకు పూల మాలలు వేయటంపై భారత్ గొంతెత్తి ప్రశ్నించాలని మంత్రి కేటీఆర్ సూచించారు.
https://twitter.com/KTRTRS/status/1560246054087376896?cxt=HHwWgICqgaHhjacrAAAA
