తెలంగాణ నూతన సచివాలయం ప్రారంభోత్సవానికి సర్వాంగ సుందరంగా ముస్తాబవుతోంది. ఈ నెల 30వ తేదీన సచివాలయం ప్రారంభోత్సవాన్ని అంగరంగ వైభవంగా నిర్వహించనున్నారు. దీనికి సంబంధించి ఇప్పటికే అన్ని ఏర్పాట్లు పూర్తయ్యాయి. అయితే ప్రారంభోత్సవం రోజు నుంచే సెక్రటేరియట్లో కార్యకలాపాలు ప్రారంభించాలని రాష్ట్ర ప్రభుత్వం భావిస్తోంది.
అయితే, కొత్త సచివాలయం ప్రారంభ వేడుకలు ఈనెల 30న నిర్వహించనున్నారు. ఉదయం 6 గంటలకు సుదర్శన యాగం, మధ్యాహ్నం 1:20 నుంచి 1:30 గంటల మధ్య యాగం పూర్ణాహుతి నిర్వహిస్తారు. అనంతరం సచివాలయానికి రిబ్బన్ కటింగ్ చేసి ఆ వెంటనే 6వ అంతస్తులోని తన చాంబర్ లో సీఎం కేసీఆర్ కొలువుదీరనున్నారు. మధ్యాహ్నం 1:58 నుంచి 2:04 గంటల మధ్య ఛాంబర్లలో మంత్రులు ప్రవేశించనున్నారు. 2:15 నిమిషాలకు గ్యాదరింగ్ కార్యక్రమంలో కేసిఆర్ ప్రసంగిస్తారు.
