తెలంగాణ విద్యార్థులకు అలర్ట్.. రేపు విద్యాసంస్థలకు సెలవు. బోనాల సందర్భంగా తెలంగాణ రాష్ట్ర ప్రభుత్వం సోమవారం సెలవు ప్రకటించింది. ఇవాళ ఆదివారం, రేపు సెలవు కావడంతో స్కూళ్లు, కాలేజీలకు వరుసగా రెండు రోజులు హాలిడేస్ వచ్చాయి. దీంతో చాలా మంది టూర్ ప్లాన్ చేస్తున్నారు. తిరిగి మంగళవారం స్కూళ్లు, కాలేజీలు తెరుచుకోనున్నాయి.
కాగా, హైదరాబాద్ పాతబస్తీ లో ఆది, సోమవారాల్లో బోనాల వేడుకలు సజావుగా నిర్వహించేందుకు సౌత్ జోన్ పోలీసులు పటిష్ట బందోబస్తు ఏర్పాటు చేశారు. బోనాలు జరిగే ప్రాంతాల్లో ట్రాఫిక్‌ ఆంక్షలు కూడా అమలు చేస్తున్నారు. బోనాలు జరిగే ప్రాంతాల్లో వాహనాలురాకుండా.. ఇతర మార్గాలకు వాహనాలను మళ్లిస్తున్నారు. రెండు రోజులూ సౌత్ జోన్‌లోనే దాదాపు 2వేల మంది పోలీసులతో బందోబస్తు ఏర్పాటు చేయనున్నారు.
