నేడు ప్రధాని మోదీ ప్రారంభించే ప్రాజెక్టులివే

నేడు నిజామాబాద్​లో ప్రధాని మోదీ పర్యటించనున్నారు. కర్ణాటకలోని బీదర్ నుంచి మధ్యాహ్నం 2.55 గంటలకు ప్రత్యేక హెలికాప్టర్‌ ద్వారా నిజామాబాద్‌కు వస్తారు. 3 గంటలకు పలు అభివృద్ధి కార్యక్రమాలకు ప్రారంభోత్సవం చేస్తారు. మధ్యాహ్నం 3.45 గంటలకు ప్రధాని మోదీ సభా స్థలికి చేరుకుంటారు. అనంతరం సభలో ప్రసంగిస్తారు. ఇక సభ అనంతరం సాయంత్రం 5 గంటలకు హెలికాప్టర్‌లో బీదర్‌కు తిరుగు ప్రయాణమవుతారు. బీదర్‌ నుంచి ప్రత్యేక విమానంలో ప్రధాని మోదీ దిల్లీకి వెళ్లనున్నారు.

నిజామాబాద్ పర్యటనలో భాగంగా ఇవాళ రూ. 8వేల కోట్ల విలువైన పనులకు పీఎం మోడీ శ్రీకారం చుట్టనున్నారు. * NTPC పవర్ ప్రాజెక్టు జాతికి అంకితం * మనోహరాబాద్-సిద్దిపేట కొత్త రైలు మార్గం, సిద్దిపేట-సికింద్రాబాద్ మార్గంలో తొలి రైలు, మన్మాడ్, ముద్కేడ్-MBNR-డోన్ మధ్య రైల్వే లైన్ల విద్యుదీకరణ ప్రాజెక్టు ప్రారంభం * 496 బస్తీ దవాఖానాల ఏర్పాటు, ఆయుష్మాన్ భారత్ కింద పలు జిల్లా కేంద్రాల్లో క్రిటికల్ కేర్ విభాగాల పనుల ప్రారంభం.