తెలంగాణ ప్రభుత్వం ఈనెల 17, 18వ తేదీల్లో నిర్వహించే గ్రూప్-3 పరీక్షలకు సంబంధించిన హాల్ టికెట్లను టీజీపీఎస్సీ విడుదల చేసింది. 17వ తేదీన ఉదయం 10 గంటల నుంచి మధ్యాహ్నం 12.30 వరకు పేపర్-1, మధ్యాహ్నం 3 నుంచి సాయంత్రం 5.30 వరకు పేపర్-2, ఈనెల 18వ తేదీన ఉదయం 10 గంటల నుంచి మధ్యాహ్నం 12.30 వరకు పేపర్-3 పరీక్ష ఉంటుంది.
అరగంట ముందే ఎగ్జామ్ సెంటర్లకు చేరుకోవాలని అధికారులు స్పష్టం చేశారు. రాష్ట్ర ప్రభుత్వం మొత్తం 1,388 పోస్టులకు నోటిఫికేషన్ విడుదల చేయగా.. 5.36 లక్షల మందికి పైగా దరఖాస్తులు వచ్చినట్లు సమాచారం. హాల్ టికెట్లు డౌన్‌లోడ్ కోసం అభ్యర్థులు WWW.tspsc.gov.in/ వెబ్‌సైట్‌‌ను సంప్రదించాలని టీజీపీఎస్సీ కోరింది.
