బికినీ వ్యాక్సింగ్‌ చేసుకుని ఆసుపత్రి పాలైన యువతి.. చివరకు కోర్టుకు ఎక్కిన రచ్చ..!

అమ్మాయిలకు అందానికి చాలా దగ్గరి సంబంధం ఉంటుంది. ఎంత తెల్లగా ఉన్నా.. ఇంకా ఏదో చేయాలని తెగ ఆరట పడతారు. ఈ అవాంఛిత రోమాలను తొలగించేందుకు.. ఏవేవో ప్రయత్నాలు చేస్తుంటారు. అందులో వ్యాక్స్‌ బాగా ఉంటుంది. ఇది కాస్త కష్టంగా ఉన్నా.. హెయిర్‌ అయితే పోతుంది. అలా ఓ అమ్మాయి బికినీ వ్యాక్సింగ్ చేయించుకోవడానికి వెళ్లి ఆసుపత్రి పాలయింది.. అసలేం జరిగిందంటే..

ఏం జరిగింది?

ఇండోర్లోని ఒక మహిళ బికినీ వ్యాక్సింగ్ చేయించుకునేందుకు స్పాకు వెళ్ళింది. ఆ వ్యాక్సింగ్ ఖరీదు ₹4,500. ఈ వ్యాక్సింగ్ చేసేందుకు వేడిగా ఉన్న జిగటలాంటి పదార్థాన్ని శరీరంపై రాసి తర్వాత అక్కడున్న వెంట్రుకలను తొలగిస్తారు. ఆ పదార్ధాన్నే వ్యాక్స్ అంటారు. ఆ పదార్థాన్ని శరీరానికి రాయగానే చాలా మంటగా ఉంటుంది.. ఆ అమ్మాయి..మంటగా ఉందని చెప్పినా వ్యాక్సిన్ చేసే బ్యూటిషియన్ మాత్రం ఆ విషయాన్ని పట్టించుకోలేదట. అలానే ఉంటుందని పెద్దగా పట్టించుకోవాల్సిన అవసరం లేదని ఆ బ్యూటిషియన్ చెప్పిందట.. చివరికి వ్యాక్సిన్ చేయడానికి స్ట్రిప్‌ను ఆ జిగటైనా పదార్థంపై ఉంచి లాగగానే వెంట్రుకలతో పాటు చర్మం కూడా ఊడి వచ్చింది. దీంతో ఆ అమ్మాయి నొప్పి, మంటతో విలవిలలాడింది. చివరికి ఆసుపత్రి పాలయ్యింది. తాను చెబుతున్నా కూడా వినకుండా వ్యాక్సింగ్ చేసిందని ఆ స్పా యజమానిపై వినియోగదారుల కోర్టులో కేసు వేసింది.

వినియోగదారుల కోర్టు ఈ మొత్తం కేసుని పరిశీలించి.. నష్టపరిహారంగా 30000 రూపాయలు అమ్మాయికి చెల్లించాలని అలాగే ఆమెకు మానసిక వేదన కలిగించినందుకు మరో 20000 రూపాయలు ఆమె వైద్య చికిత్స కోసం మరో 20000 రూపాయలు… మొత్తంగా 70,000 రూపాయలు చెల్లించాలని కోర్టు ఆదేశించింది. ఈ మొత్తాన్ని స్పా యజమాని నెల రోజుల్లోగా చెల్లించాలని ఆదేశించింది. సౌందర్య ప్రక్రియలకు వెళ్లే ముందు అవి ఆ చర్మానికి పడతాయో లేదో చెక్ చేయాలని కూడా సూచించింది.

ఏంటీ బికినీ వ్యాక్సింగ్?

బికినీ వ్యాక్సింగ్, బ్రెజిలియన్ వ్యాక్సింగ్ దాదాపు ఒకటే. బికినీ వేసుకునే వారు ఈ వ్యాక్సింగ్ చేయించుకుంటారు. బికినీ వేసుకుంటే ఒంటి మీద ఎక్కడా వెంట్రుకలు కనిపించకుండా ఈ వ్యాక్సింగ్ చేయించుకుంటారు. అందుకే దీన్ని బికినీ వ్యాక్సింగ్ అంటారు. ఈ వ్యాక్సింగ్‌లో భాగంగా జననేంద్రియాల వద్ద ఉన్న వెంట్రుకలను కూడా తొలగిస్తారు. అందుకే ఈ వ్యాక్సింగ్ కేవలం అనుభవం ఉన్నవారితోనే.. చేయించుకోవాలి. లేకుంటే ఆరోగ్య సమస్యలు వచ్చే అవకాశం ఉంది. లోపలి తొడ భాగం, ఎగువ కాలు మధ్య ఉండే బికినీ లైన్ ప్రాంతాన్ని ముఖ్యంగా వ్యాక్స్ చేస్తారు.