సుకుమార్ దర్శకత్వంలో టాలీవుడ్ ఐకాన్ స్టార్ అల్లు అర్జున్ హీరోగా నటిస్తున్న తాజా చిత్రం పుష్ప-2 . ఈ సినిమాలో రష్మిక మందాన్న కథానాయికగా నటిస్తుంది. పుష్ప ఫస్ట్ పార్ట్ ఓ రేంజ్ లో బ్లాక్ బస్టర్ హిట్ కావడంతో ఇప్పుడు దానికి సీక్వెల్గా పుష్ప-ది రూల్ను తెరకెక్కిస్తున్న విషయం తెలిసిందే.ఈ ఏడాది ఆగస్టు 15న పుష్ప 2 ను ప్రేక్షకుల ముందుకు తీసుకురావడానికి మేకర్స్ సన్నహాలు చేస్తున్నారు.
ఇక ఈ సినిమా కోసం ప్రేక్షకులు ఎంతో ఆసక్తిగా ఎదురు చూస్తున్నారు.ఈ నేపథ్యంలో ఈ రోజు ఈ సినిమాకు సంబంధించిన టీజర్ రిలీజ్ చేసిన విషయం తెలిసిందే.ఈ క్రమంలో పుష్ప-2 టీజర్ యూట్యూబ్లో రికార్డులు కొల్లగొడుతుంది. సరికొత్తగా అల్లు అర్జున్ మాస్ గెటప్ అదిరిపోయింది. దీనికి దేవిశ్రీప్రసాద్ అద్భుతమైన మ్యూజిక్ తోడైంది. అయితే టీజర్పై కొందరు ప్రేక్షకులు పెదవి విరుస్తున్నారు. ఐకాన్ స్టార్ పుట్టిన రోజున వచ్చిన టీజర్లో ఒక్క డైలాగ్ అయినా ఉండాల్సిందని అభిప్రాయపడుతున్నారు. మరోవైపు ఇది లెక్కల మాస్టర్ సుకుమార్ వ్యూహమని మరికొందరు సోషల్ మీడియా వేదికగా కామెంట్లు చేస్తున్నారు.
