కర్ణాటక ఉడుపి జిల్లాకు చెందిన ఒక కుర్రాడు చౌకైన డ్రోన్ను తయారు చేశాడు. ఇందుకోసం అందుబాటులో ఉన్న విడిభాగాలను ఉపయోగించాడు. ఇప్పటికే ఇలాంటి 20 లోహ విహంగాలను అతడు రూపొందించాడు. పీయూసీ చదువుతున్న గ్లెన్ రెబెల్లోకు చిన్నతనం నుంచే విమానాలపై మక్కువ. ఆ తర్వాత.. వివాహ వేడుకలను చిత్రీకరించే డ్రోన్లపై అతడికి ఆసక్తి పెరిగింది. దీంతో వాటి గురించి విస్తృతంగా అధ్యయనం చేసి, సొంతంగా ఒక డ్రోన్ను తయారు చేశాడు. తర్వాత.. రేసులకు ఉపయోగపడే లోహ విహంగాలనూ రూపొందించాడు.
సాధారణంగా డ్రోన్లు గంటకు 50-60 కిలోమీటర్ల వేగంతో పయనిస్తాయి. గ్లెన్ మాత్రం గంటకు 200 కిలోమీటర్ల వేగంతో దూసుకెళ్లే డ్రోన్లను తయారు చేశాడు. అతడు రూపొందించిన సాధనాలను కొనుగోలు చేసేందుకు అనేక మంది ఆసక్తి చూపుతున్నారు. మార్కెట్లో అందుబాటులో ఉన్న ఈ తరహా బుల్లి లోహ విహంగాలు రూ.2 లక్షల ధర పలుకుతుండగా, గ్లెన్ మాత్రం రూ.30-40వేల ధరతో వాటిని అందిస్తున్నాడు. ఇతర డ్రోన్లను మరమ్మతు చేసే సామర్థ్యాన్ని కూడా అతడు సంపాదించాడు.గతంలో ఉడుపి, మంగళూరులోని ఆపరేటర్లు తమ డ్రోన్లను మరమ్మతు చేయించుకోవడానికి ముంబయి వెళ్లాల్సి వచ్చేంది. ఇప్పుడు గ్లెన్ వద్దకు వారు వస్తున్నారు. భవిష్యతులో ఏరోనాటిల్ ఇంజినీర్ కావాలన్నదే తన కల అని అతడు చెప్పాడు.
