చాలా రోజుల క్రితం ఓ శునకం బైక్ నడుపుతున్న వీడియో ఒక‌టి వైరల్ అయిన సంగ‌తి గుర్తుండే ఉంటుంది. అయితే ఈ శునకం దాన్ని మించిపోయింది. నిజంగానే ఈ కుక్క మామూలుది కాదు. జంతువులకు సాధ్యంకాదు అన్న పనిని చేసి చూపించి ఔరా అనిపించింది. వాస్త‌వానికి అప్పటి కుక్క డబుల్ రైడింగ్ చేస్తే, ఈ కుక్క ఏకంగా ట్రిపుల్ రైడింగ్ చేసింది. ఈ ఘటన బ్రెజిల్ లో జరిగినట్టు తెలుస్తుండగా, ఎక్కడ, ఎప్పుడు జరిగిందన్న విషయం మాత్రం తెలియరాలేదు.
వీడియో మాత్రం వైరల్ అవుతోంది. నేషనల్ హైవేపై, దాని యజమాని, మరొకరు వెనుక కూర్చుని ఉండగా, ఈ శునకం దర్జాగా బైక్ హ్యాండిల్స్ పట్టుకుని, ముందు కూర్చుని బైక్ ను నడుపుతోంది. ఈ వీడియోను జో బర్గ్ అనే యువతి తన ట్విట్టర్ ఖాతాలో పోస్ట్ చేయగా, అదిప్పుడు వైరల్ అవుతోంది. కుక్కకు హెల్మెట్ ఎక్కడుందని కొందరు, ఈ తరహా పిచ్చి పనులు చేయవద్దని మరికొందరు కామెంట్లు పెడుతున్నారు.
