మనం చాలా రకాల జంతువుల్ని చూస్తూ ఉంటాం. అయితే కొన్ని కొన్ని జంతువుల అయితే చాలా వింతగా ఉంటాయి. అలా ఆశ్చర్యపరిచ జంతువుల్లో ఊసరవెల్లి కూడా ఒకటి. సాధారణంగా ఊసరవెల్లి రంగులు మారుస్తూ ఉంటుంది. అన్ని జంతువులు ఇలా ఊసరవెల్లిలా రంగులు మార్చలేవు. ఊసరవెల్లి ఎందుకు రంగులు మారుస్తోంది అన్న సందేహం చాలా మందిలో ఉంటుంది. మీలో కూడా ఈ సందేహం ఉందా..? అయితే తప్పకుండా మీరు దీనిని చూడాలి.
ఊసరవెల్లి రంగులు మార్చడానికి గల కారణం ఏమిటంటే..? అది శత్రువుల నుంచి తప్పించుకోవాలని అనుకుంటుంది అని చాలా మంది చెప్పి పప్పులో కాలు వేస్తూ ఉంటారు. కానీ నిజానికి అది నిజం కాదు. వివిధ కారణాల వల్ల ఊసరవెల్లి రంగులు మారుస్తోంది. శరీర ఉష్ణోగ్రతను అదుపులో ఉంచుకోవడానికి ఊసరవెల్లి రంగులు మారుస్తోంది. దీంతో ఇతర ఊసరవెల్లిలకి సంకేతం ఇస్తుంది. పైగా ఒక ఊసరవెల్లి మరొక దానితో మాట్లాడుకుంటూ ఉంటాయి.
వాటి చర్మంలో ఉండే జీవకణాల్లో పలు యాంత్రిక నిర్మాణాల చర్యల వల్ల రంగులు మార‌డం జరుగుతుంది. చర్మంలోని క్రోమోటోఫోర్స్ (chromotophores) అనే ప్రత్యేకమైన జీవకణాల వల్ల వేర్వేరు రంగులు ఒకేచోట ఏర్పడడమో లేక వివిధ ప్రదేశాలకు విస్తరించడమో జరుగుతుంది. వివిధ రకాలైన క్రోమోటోఫోర్స్ వేర్వేరు రంగులను మెరిసే స్ఫటికాల రూపంలో కలిగి ఉంటాయి.
ఊసరవెల్లులు ఈ రంగుల మార్పులను ఎలా చెయ‌గ‌లుగుతాయి? అంటే.. ఊసరవెల్లి చర్మం యొక్క బయటి పొర పారదర్శకంగా ఉంటుంది. దీని క్రింద క్రోమాటోఫోర్స్ అని పిలువబడే ప్రత్యేక కణాలను కలిగి ఉన్న అనేక చర్మ పొరలు ఉంటాయి. క్రోమాటోఫోర్స్ వివిధ రకాల వర్ణద్రవ్యం యొక్క సంచులతో నిండి ఉంటాయి. లోతైన పొరలో మెలనోఫోర్స్ ఉంటాయి, ఇవి బ్రౌన్ మెలనిన్‌తో నిండి ఉంటాయి. ఆ పొర పైన ఇరిడోఫోర్స్ అని పిలువబడే కణాలు ఉన్నాయి, ఇవి నీలం మరియు తెలుపు కాంతిని ప్రతిబింబించే నీలి వర్ణద్రవ్యం కలిగి ఉంటాయి. ఆ కణాల పైన లేయర్‌లుగా పసుపు మరియు ఎరుపు వర్ణద్రవ్యాలను కలిగి ఉండే శాంతోఫోర్స్ మరియు ఎరిత్రోఫోర్స్ ఉంటాయి.
ఊసరవెల్లులు తమ స్వంత శరీర వేడిని ఉత్పత్తి చేయలేవు కాబట్టి, వారి చర్మం యొక్క రంగును మార్చడం అనేది అనుకూలమైన శరీర ఉష్ణోగ్రతను నిర్వహించడానికి ఒక మార్గం. ఒక చల్లని ప్ర‌దేశంలో ఉండే ఊసరవెల్లి మరింత వేడిని గ్రహించడానికి న‌ల్ల‌గా లేదా డార్క్ రంగులోకి మారుతుంది. అదేవిధంగా వేడిగా ఉండే స్థలంలో ఉన్న ఊసరవెల్లి వేడిని త‌గ్గించుకునేందుగా లేత రంగులోకి మారుతుంది.
శక్తుల చూపించడానికి ప్రకాశవంతమైన రంగుల్ని అవి వెలువరిస్తాయి. ఊసరవెల్లి తో పోరాటం చేయాలంటే ముదురురంగు సంతరించుకుంటాయి. ఇలా ఈ కారణం వల్ల ఊసరవెల్లులు రంగులు మారుస్తూ ఉంటాయి.
