గత రెండు వారాలుగా తెలంగాణ రాష్ట్రంలో పేపర్ లీక్ ల పరంపర కొనసాగుతోంది. మొదటగా TSPSC గ్రూప్ 1 ప్రశ్నాపత్రం లీక్ అవ్వడంతో విద్యార్థి లోకం ఒక్కసారిగా షాక్ అయింది. అయితే దీనిపై విచారణ సాగుతుండగానే టెన్త్ ఎగ్జామ్స్ లో వరుసగా రెండు రోజులు తెలుగు మరియు హిందీ క్వశ్చన్ పేపర్ లు లీక్ అయ్యాయి. ఈ పేపర్ లను లీక్ చేసిన వారిని పట్టుకున్నా ఎందుకు ఇలా జరుగుతోందన్న విషయం తెలంగాణ ప్రజలను ఎంతగానో కలచివేస్తోంది. ఈ కేసులోనే బండి సంజయ్ అరెస్ట్ చేసి రిమాండ్ కు పంపారు.
కానీ బండి తరపున లాయర్ లు బెయిల్ కు అప్లై చేయడంతో నిన్న రాత్రి బెయిల్ ఇచ్చి ఇవాళ పొద్దున్న రిలీజ్ చేశారు. ఈ లీక్ లపై పొలిటికల్ సెటైర్లు కొనసాగుతున్నాయి. కాగా 10 వ తేదీన ఈటల రాజేందర్ విచారణకు హాజరు కావాల్సి ఉంది. ఈ విచారణలో ఎటువంటి విషయాలు బయటకు రానున్నాయి అన్నది తెలియాల్సి ఉంది.
