కాకరకాయ రుచి చేదుగా ఉన్నా ఎన్నో అద్భుతమైన ప్రయోజనాలను ఇది ఇస్తుంది. నిజంగా కాకరకాయలు ఎన్నో అద్భుతమైన గుణాలు ఉన్నాయి. కాకరకాయ లో విటమిన్స్, మినరల్స్, యాంటీ ఆక్సిడెంట్స్, ఫైటో న్యూట్రియంట్స్ మొదలైనవి ఉన్నాయి. కనుక డైట్ లో వీటిని తీసుకుంటే చక్కగా ప్రయోజనాలు పొందవచ్చు అని నిపుణులు చెప్పడం జరిగింది. అయితే మరి కాకరకాయ వల్ల ఎలాంటి ప్రయోజనాలు పొందవచ్చు అనేది ఇప్పుడు తెలుసుకుందాం.
జీర్ణ సమస్యలు ఉండవు:
అజీర్తి సమస్యలను పోగొట్టడానికి కాకరకాయ ఎంతగానో ఉపయోగపడుతుంది. గ్యాస్ట్రో ఇంటెస్టినల్ సమస్యలు అయిన కడుపునొప్పి, గ్యాస్, బ్లోటింగ్ మొదలైనవి తొలగిస్తుంది. అదేవిధంగా కాకరకాయ లో విటమిన్ సి, విటమిన్ ఏ ఎక్కువగా ఉంటాయి ఇవి స్టమక్ క్యాన్సర్, ప్యాంక్రియాటిక్ క్యాన్సర్, ఇంటస్టినల్ క్యాన్సర్ మొదలైనవి రాకుండా చూసుకుంటుంది. అలానే యాంటీ ఇన్ఫ్లమేటరీ గుణాలు కూడా దీనిలో సమృద్ధిగా ఉంటాయి కాబట్టి అల్సర్లను కూడా రాకుండా చూస్తుంది.
రోగనిరోధక శక్తి పెరుగుతుంది:
కాకరకాయని డైట్ తీసుకోవడం వల్ల రోగ నిరోధక శక్తిని పెంపొందించుకోవచ్చు. ఇన్ఫెక్షన్స్, గాయాలు, దెబ్బలు మొదలైనవి మానడానికి ఇది బాగా ఉపయోగపడుతుంది. అలానే ఇందులో విటమిన్ సి ఎక్కువగా ఉంటుంది కనుక రోగనిరోధక శక్తి పెరుగుతుంది. అలానే వైట్ బ్లడ్ సెల్స్ ప్రొడక్షన్ కూడా బాగుంటుంది. రోగనిరోధక శక్తి ఎక్కువగా ఉంటుంది కాబట్టి జ్వరం, జలుబు, దగ్గు మొదలైన సమస్యలు నుంచి త్వరగా కోలుకోవడానికి వీలవుతుంది. అలానే కాకరకాయలో యాంటీబ్యాక్టీరియల్ గుణాలు, యాంటీ వైరల్ గుణాలు, యాంటీ ఫంగల్ గుణాలు ఉన్నాయి. కాకరకాయ ద్వారా మనం ఐరన్, జింక్, పొటాషియం, మెగ్నీషియం, విటమిన్ బి కూడా పొందొచ్చు.
డయాబెటిస్ తో బాధపడే వాళ్లకి మంచిది:
డయాబెటిస్ సమస్య ఉన్నవాళ్లకి కాకరకాయ ఎంతో మేలు చేస్తుంది. గ్లైసెమిక్ ఇండెక్స్ అందులో తక్కువగా ఉంటుంది కాబట్టి బ్లడ్ షుగర్ లెవెల్స్ ను కంట్రోల్లో ఉంచుతుంది.
బరువును కంట్రోల్లో ఉంచుతుంది:
బరువుని అదుపులో ఉంచడానికి కాకరకాయ బాగా ఉపయోగపడుతుంది. 100 గ్రాములు కాకరకాయతో 17 కేలరీలు ఉంటాయి. అలానే ఖాళీ కడుపున కాకరకాయ జ్యూస్ తాగడం వల్ల కొవ్వుని కరిగిస్తుంది. అదే విధంగా ఒత్తిడిని తగ్గించడానికి కూడా కాకరకాయ బాగా ఉపయోగపడుతుంది. అలాగే కంటి ఆరోగ్యానికి కూడా ఎంతో మేలు చేస్తుంది.
