దేశవ్యాప్తంగా మళ్లీ కరుణ కేసులు టెన్షన్ పెడుతున్నాయి. కరుణ తగ్గుముఖం పట్టిందని భావిస్తున్న తరుణంలో మళ్లీ పెరుగుతున్న కరోనా కేసులు ఇప్పుడు ప్రభుత్వాలకు తలనొప్పిగా మారాయి. అయితే అన్ని రాష్ట్రాల్లో ఈ టెన్షన్ నెలకొని ఉంటే అండమాన్ నికోబార్, అరుణాచల్ ప్రదేశ్ ప్రాంతాల్లో కొత్తగా ఒక్క కొవిడ్ కేసు కూడా నమోదు కాలేదు. దేశవ్యాప్తంగా వైరస్ వ్యాప్తి పెరుగుతున్నా.. అరుణాచల్ ప్రదేశ్లో గత నాలుగు రోజు నుంచి ఒక్క పాజిటివ్ కేసు నమోదుకాకపోవడం ఇప్పుడు ఆసక్తికరంగా మారింది. అండమాన్ నికోబార్ దీవిలో కొత్తగా ఒక్క కొవిడ్ కేసు కూడా నమోదు కాలేదు.
లెక్కల ప్రకారం చూస్తే అరుణాచల్ ప్రదేశ్లో ఇప్పటివరకు మొత్తంగా 16,842 మందికి వైరస్ సోకింది. ఇప్పటివరకు 16,784 మంది కొవిడ్ నుంచి కోలుకున్నారు. అంతేకాక ఈ రాష్ట్రంలో రికవరీ రేటు 99.65 శాతం ఉంది. మరోపక్క అండమాన్ దీవులకు పర్యటకులు పెరుగుతున్నా ఆ ప్రాంతంలో కొవిడ్ కేసులు నమోదుకాకపోవడం గమనార్హం. రోజుకు దాదాపుగా 700-800 వరకు పర్యటకులు వస్తున్నా పరిస్థితి అదుపులో ఉందని అక్కడి ప్రభుత్వం చెబుతోంది.
