ఐఫోన్ ప్రియులకు శుభవార్త. సాధార‌ణంగా ఇప్పటి వరకూ గృహసామగ్రి, దుస్తులు, ఫర్నిచర్‌, వాహనాలు మాత్రమే అద్దెకు ఇస్తున్నట్టు మనకు తెలుసు. ఖరీదైన ఐఫోన్‌లనూ మనం అద్దెకు తీసుకుంటే ఎలా ఉంటుంది? ఇది నిజంగా నిజం. యువతలో ఐఫోన్ అంటే ఎంత క్రేజ్ ఉందో ప్రత్యేకంగా చెప్పనక్కర్లేదు. అయితే ఐఫోన్ ఖరీదు ఎక్కువ కావడంతో అధిక ఆదాయ వర్గాలకు చెందిన వారే కొనుగోలు చేస్తున్నారు. ముఖ్యంగా అభివృద్ధి చెందుతున్న దేశాల్లో ఈ సరళిని గమనించిన ఆపిల్ సంస్థ సరికొత్త ప్రణాళిక రూపొందించింది.
ఇకమీదట ఐఫోన్లు అద్దెకు ఇవ్వాలని భావిస్తోంది. నెలకు కొంత మొత్తం చెల్లించి ఐఫోన్ ను వాడుకోవచ్చు. అలాగే కంపెనీ నుంచి కొత్త మోడల్ వస్తే పాత ఫోన్ వెనక్కి ఇచ్చేసి కొత్త దాన్ని ఉపయోగించుకోవచ్చు. అయితే ఐఫోన్ ను అద్దెకు తీసుకున్నవాళ్లు ఐ ట్యూన్స్, ఐ క్లౌడ్ వంటి సేవలకు కూడా అదనంగా అద్దె చెల్లించాల్సి ఉంటుంది. త్వరలోనే దీనికి సంబంధించి ఆపిల్ సంస్థ నుంచి ఓ ప్రకటన రానున్నట్టు తెలుస్తోంది.
