ప‌బ్‌జి డెవ‌ల‌ప‌ర్ నుంచి ఇంకో కొత్త పబ్‌జి గేమ్‌.. ప్రీ రిజిస్ట్రేష‌న్లు షురూ..!

ద‌క్షిణ కొరియాకు చెందిన గేమ్ డెవ‌ల‌ప‌ర్ క్రాఫ్ట‌న్ ఇటీవ‌లే ప‌బ్‌జి కి పేరుమార్చి బ్యాటిల్‌గ్రౌండ్స్ మొబైల్ ఇండియా పేరిట మ‌ళ్లీ ప‌బ్‌జి గేమ్‌ను భార‌త్ లో లాంచ్ చేసిన విష‌యం విదిత‌మే. జూలైలో ఆ సంస్థ ఈగేమ్‌ను లాంచ్ చేసింది. అయితే క్రాఫ్ట‌న్ కంపెనీ ప‌బ్‌జి సిరీస్‌లోనే ఇంకో కొత్త గేమ్‌ను అప్ప‌ట్లోనే ప్ర‌క‌టించింది. చెప్పిన‌ట్లుగానే ఆ గేమ్‌ను క్రాఫ్ట‌న్ త్వ‌ర‌లో లాంచ్ చేయ‌నుంది.

క్రాఫ్ట‌న్ సంస్థ ప‌బ్‌జిలో ఇంకో కొత్త గేమ్‌ను ప‌బ్‌జి: న్యూస్టేట్ పేరిట త్వ‌ర‌లో లాంచ్ చేయ‌నుంది. ఈ గేమ్ కూడా అచ్చం ప‌బ్‌జి లాగే ఉంటుంది. కాక‌పోతే 2051వ సంవ‌త్స‌రంలో జ‌రిగిన‌ట్లుగా గేమ్ మోడ్‌, గ్రాఫిక్స్ ఉంటాయి. అత్యాధునిక వెప‌న్‌, ఆర్మ‌ర్ సిస్ట‌మ్‌ను ఇందులో అందిస్తారు.

ఇక ప‌బ్‌జి: న్యూస్టేట్ గేమ్‌ను గ‌తంలోనే క్రాఫ్ట‌న్ అనౌన్స్ చేసింది. అయితే త్వ‌ర‌లో ఈ గేమ్‌ను లాంచ్ చేయ‌నున్న‌ట్లు ప్ర‌క‌టించింది. ఈ గేమ్‌కు గాను ఆల్పా టెస్ట్ వెర్ష‌న్‌ను ఇటీవ‌ల లాంచ్ చేశారు. అందులో అనేక బ‌గ్స్ ఉన్న‌ట్లు గుర్తించారు. దీంతో వాటిని స‌రిచేసి త్వ‌ర‌లో బీటా వెర్ష‌న్‌ను ఆ త‌రువాత పూర్తి స్థాయి వెర్ష‌న్‌ను లాంచ్ చేస్తారు.

ప‌బ్‌జి: న్యూస్టేట్ గేమ్‌కు గాను యూజ‌ర్లు ముంద‌స్తుగా రిజిస్ట్రేష‌న్లు చేసుకోవ‌చ్చు. దీంతో గేమ్ లాంచ్ కాగానే నోటిఫికేష‌న్ వ‌స్తుంది. ఆపై వెంట‌నే గేమ్ ను డౌన్‌లోడ్ చేసి ఇన్‌స్టాల్ చేయ‌వ‌చ్చు. త‌రువాత గేమ్ ఆడ‌వ‌చ్చు. గూగుల్ ప్లే స్టోర్‌, యాపిల్ యాప్ స్టోర్‌లో ఈ గేమ్‌కు ప్రీ రిజిస్ట్రేష‌న్ల‌ను ప్రారంభించారు.