గూగూల్‌పేకు తగ్గుతున్న ఆద‌ర‌ణ‌.. పేటీఎం, ఫోన్‌పేల‌కు జై కొడుతున్న యూజ‌ర్లు..

Join Our Community
follow manalokam on social media

సాఫ్ట్‌వేర్ సంస్థ గూగుల్‌కు చెందిన గూగుల్ పే డిజిట‌ల్ పేమెంట్స్ యాప్ కు గ‌తంలో ఎంత ఆద‌ర‌ణ ఉండేదో అంద‌రికీ తెలిసిందే. కానీ గ‌త 3 నెల‌ల కాలంలో ఈ యాప్‌కు ఆద‌ర‌ణ త‌గ్గింది. ఈ వ్య‌వ‌ధిలో ఆ యాప్‌లో త‌గ్గిన ట్రాన్సాక్ష‌న్లే ఇందుకు ఉదాహ‌ర‌ణ అని చెప్ప‌వ‌చ్చు. అదే స‌మ‌యంలో ప్ర‌త్య‌ర్థులైన పేటీఎం, ఫోన్‌పేల‌లో భారీగా ట్రాన్సాక్ష‌న్లు పెరిగాయి.

users are not interested in google pay moving towards phonepe and paytm

గూగుల్ పేలో న‌వంబ‌ర్ లో 960 మిలియ‌న్ల ట్రాన్సాక్ష‌న్లు జ‌ర‌గ్గా జ‌న‌వ‌రి వ‌ర‌కు వ‌చ్చే సరికి ఆ లావాదేవీల సంఖ్య భారీగా త‌గ్గింది. 3 నెల‌ల్లో ఏకంగా 100 మిలియ‌న్ల ట్రాన్సాక్ష‌న్లు త‌గ్గి ఆ సంఖ్య జ‌న‌వ‌రి చివ‌రి వ‌ర‌కు 855 వ‌ర‌కు చేరుకుంది. దీన్ని బ‌ట్టి చూస్తే గూగుల్‌పే ఆద‌ర‌ణ త‌గ్గిన‌ట్లు స్ప‌ష్టంగా క‌నిపిస్తుంది.

అయితే గూగుల్ పేకు బ‌దులుగా పేటీఎం, ఫోన్‌పేల‌ను యూజ‌ర్లు ఈ కాలంలో ఎక్కువ‌గా ఉప‌యోగించారు. దీంతో గూగుల్ పేలో జ‌ర‌గాల్సిన స‌ద‌రు 100 మిలియ‌న్ల ట్రాన్సాక్ష‌న్లు ఆ రెండు యాప్‌ల‌లో జ‌రిగాయి. దీంతో ఆ యాప్‌లు ఎక్కువ ట్రాన్సాక్ష‌న్లు చేయ‌గ‌లిగాయి. అయితే గూగుల్ పే దేశంలోని ఎస్‌బీఐ, హెచ్‌డీఎఫ్‌సీతోపాటు యాక్సిస్, ఐసీఐసీఐ వంటి బ్యాంకుల‌తో యూపీఐ చెల్లింపుల‌కు ఒప్పందాలు చేసుకుంది. ఈ క్రమంలో ఇటీవ‌లి కాలంలో ఎస్‌బీఐతోపాటు హెచ్‌డీఎఫ్‌సీ బ్యాంకుల్లో చాలా సాంకేతిక్ స‌మ‌స్య‌లు వ‌స్తాయి. అందువ‌ల్లే ట్రాన్సాక్ష‌న్లు ఫెయిల‌వుతుండ‌డంతో గూగుల్ పేకు బ‌దులుగా యూజ‌ర్లు ఆ రెండు యాప్‌ల‌ను వాడ‌డం మొద‌లు పెట్టారు. మ‌రి ఈ విష‌యంపై గూగుల్ దృష్టి సారిస్తుందో, లేదో చూడాలి.

TOP STORIES

నీ లోపలి బాధలే కాదు, నీ బయట ఏం జరుగుతుందో తెలుసుకోకుంటే అలాగే మిగిలిపోతావని తెలిపే కథ..

ఒక కొండమీద నివాసముండే అమ్మాయి నీళ్ళకోసం కొండదిగి నది వద్దకు వస్తూంటుంది. భుజం మీద కావిడి పట్టుకుని రెండు కుండల్లో నీళ్ళు పట్టుకుని కొండమీదకి వెళ్తుండేది....