కరోనా కాలంలో ఐపీఎల్ను నిర్వహించడానికి బీసీసీఐ సర్వప్రయత్నాలు చేస్తుంటే లీగ్ టైటిల్ స్పాన్సర్ షిప్ విషయంలో బోర్డుకు అడ్డంకులు ఎదురవుతున్నాయి. భారత్-చైనా ఉద్రిక్త పరిస్థితుల నడుమ వివో ఈ ఏడాది స్పాన్సర్షిప్ నుంచి తప్పుకుంది. తాజాగా ఆ స్థానంలో ఈ ఏడాదికి డ్రీమ్ ఎలెవన్ ఒప్పందం ఖరారైంది. అయితే ఇప్పుడు ఈ కొత్త స్పాన్సర్ కూడా చైనా వాటా కలిగి ఉందంటూ బీసీసీఐకి లేఖ రాసింది సీఏఐటీ (కాన్ఫిడరేషన్ ఆఫ్ ఆల్ ఇండియా ట్రేడర్స్).
ఐపీఎల్ 13వ సీజన్కు గానూ డ్రీమ్ ఎలెవన్ 222 కోట్లతో టైటిల్ స్పాన్సర్ షిప్ దక్కించుకుంది. ఇంతకుముందు చైనా మొబైల్ కంపెనీ వివో ఏడాదికి 440 కోట్లతో నాలుగేళ్ల పాటు ఒప్పందానికి అంగీకరించింది. కానీ భారత్-చైనా ఉద్రిక్తల మధ్య ఈ ఏడాది ఆ హక్కుల్ని రద్దు చేసుకుంది బీసీసీఐ.
